1508417355
މަތީ ސާނަވީއަށް ކިޔެވުމަށް ސެންޓަރ ފޯރ ހަޔަރ ސެކަންޑަރީ އެޑިއުކޭޝަން (ސީއެޗްއެސްއީ) އިން ޖާގަ ނުލިބޭ ދަރިވަރުންނަށް އަމިއްލަ ސްކޫލްތަކުން ކިޔަވަން ސަރުކާރުން ފައިސާގެ އެހީވާން ނިންމައިފިއެވެ.
އެޑިއުކޭޝަން މިނިސްޓްރީން ވިދާޅުވީ މާލެ ސަރަހައްދުގެ ސްކޫލުތަކުން ސާނަވީ ނިންމާ އިމްތިހާނުތައް ފުރިހަމަކޮށް 5 މާއްދާ ނުވަތަ އެއަށްވުރެ ގިނަ މާއްދާއިން ފާސްވެގެން މަތީ ސާނަވީއަށް ކިޔެވުމުގެ ޝަރުތު ހަމަވެ ސީއެޗްއެސްއީން ޖާގަ ނުލިބޭ ދަރިވަރުންނަށް އަމިއްލަ ސްކޫލަކުން އޭލެވެލް ކިޔެވުމަށް ފީ ދެއްކުމަށްޓަކައި ފައިސާގެ އެހީ ފޯރުކޮށްދިނުމަށް ސަރުކާރުން ނިންމާފައިވާކަމަށެވެ. މިގޮތަށް ފީ ދެއްކުމުގައި ފައިސާގެ އެހީ ދޭނީ އެކަމަށް އެދި ހުށަހަޅާ ދަރިވަރުންނަށް ކަމަށް މިނިސްޓްރީން ވިދާޅުވެއެވެ.
އެޑިޔުކޭޝަން މިނިސްޓްރީން ވިދާޅުވީ ޝަރުތު ހަމަވާ ދަރިވަރުން މާލޭގެ ކޮންމެ ސްކޫލަކުން މަތީ ސާނަވީއަށް ކިޔެވި ނަމަވެސް އެ އެހީ ފޯރުކޮށްދެވޭނެ ކަމަށެވެ.
މާލޭގައި މިވަގުތު އޭލެވެލްއަށް ކިޔަވައިދެމުން އަންނަނީ ސީއެޗްއެސްއީ އާއި ވިލާ އިންޓަރނޭޝަނަލް ހައި ސްކޫލާއި، އަހުމަދިއްޔާ އިންޓަރނޭޝަނަލް ސްކޫލުގައެވެ.
ފަހުގެ
