ތަކަންދޫ ފެރީ ހަޓްގެ މަސައްކަތް ނިންމާލައިފި
މުޙައްމަދު މުއައްވަޒު
10/11/2022, 11:48:43 AM
thakandhoo
ހއ. ތަކަންދޫ ފެރީ ހަޓްގެ މަސައްކަތްތައް އެމްޓީސީސީން ނިންމާލައިފި އެވެ.
މިއީ އާރް.ޓީ.އެލް. ފެރީ ނިޒާމްގެ ދަށުން ޒޯން 1 ގައި ޤާއިމުކުރެވޭ ފެރީ ސްޓޮޕެއް ކަމަށް އެމްޓީސީސީން ވަނީ ބުނެފައެވެ.
ހއ. ތަކަންދޫ ފެރީ ސްޓޮޕްގައިތެ، ކިއޮސްކަކާއި، ޔުނިވަރސަލް ޓޮއިލެޓަކާއި ވެއިޓިންގް އޭރިއާއެއް ވަނީ ގާއިމްކޮށްފައެވެ.
ޒޯން 1 ގެ އާރުޓީއެލް ހިދުމަތް މިހާރު ފަށާފައިވާއިރު، އެ ހިދުމަތަށް ގިނަ ބަޔެއްގެ ތަރުހީބު އަންނަނީ ލިބެމުންނެވެ. އަދި އެ ހިދުމަތް ދޭ ގިނަ ރަށްރަށުގައި ފެރީހަޓް ބެހެއްޓުމުގެ މަސައްކަތް އަންނަނީ ކުރަމުންނެވެ.