ވޯލްޑްކަޕާއި ގުޅިގެން އެސްޓީއޯއިން ޚާއްސަ ޕްރޮމޯޝަނެއް ފަށައިފި

މިއަހަރު ގަތަރުގައި ބާއްވާ ވޯލްޑްކަޕާއި ގުޅިގެން އެސްޓީއޯއިން ޚާއްސަ ޕްރޮމޯޝަނެއް ފަށައިފި އެވެ.

"ހޭވައްލާ ތައްޔާރު" ނަމުގައި މިއަދު ފެށި މި ޕްރޮމޯޝަން ނޮވެމްބަރު މަހުގެ ނިޔަލަށް އެސްޓީއޯ ޕީޕަލްސް ޗޮއިސް އަދި ރީޖަނަލް ފިހާރަތަކުގައި ކުރިއަށް ގެންދާނެ ކަމަށް އެސްޓީއޯ އިން މައުލޫމާތުދެއެވެ.

މި ޕްރޮމޯޝަންގެ ދަށުން، ޕްރޮމޯޝަންގައި ހިމެނޭ އައިޓަމްތަކުން 15 ޕަސެންޓާ ހަމައަށް ޑިސްކައުންޓް ލިބިގެންދާނެ އެވެ. އަދި ބައްލަވައިގަންނަވާ 50 އިންޗީގެ ޕިލިޕްސް ޓީވީއަކާއެކު ސައުންޑް ބާ ސްޕީކަރެއްގެ އިތުރުން ޓީވީ ބްރެކެޓެއްވެސް މި ޕްރޮމޯޝަންގެ ތެރެއިން ހިލޭ ލިބިގެންދާނެ އެވެ.

އޭގެ އިތުރުން އެސްޓީއޯގެ ފިހާރަތަކުން ކުރައްވާ 500 ރުފިޔާގެ ވިޔަފާރިއަކަށް ކޫޕަނެއް ލިބިވަޑައިގަންނަވާނެ އެވެ.

މި ޕްރޮމޯޝަންގައި ބައިވެރިވާ ފަރާތްތަކުގެ ތެރެއިން ނަސީބުވެރި ފަރާތްތަކަށް އިތުރު އަގުރި އިނާމްތަކެއްވެސް ވަނީ ކަނޑައަޅާފައެވެ. އެގޮތުން އެއްވަނަ އިނާމަކަށް އައިފޯން 14 ޕްރޯ މެކްސް އެއް ކަނޑައަޅާފައިވާއިރު ދެވަނަ އިނާމަކަށް ކަނޑައަޅާފައިވަނީ ޕްލޭސްޓޭޝަން 5 (ވީއާރް އާއެކު) އެވެ. އަދި ތިންވަނަ އިނާމކަމަށް 15،000 ރުފިޔާގެ ގިފްޓް ވައުޗަރެއް ވަނީ ކަނޑައަޅާފައެވެ. މި ވައުޗަރގެ ދަށުން ނެގޭނީ ގެއާއި ބަދިގޭގެ ސާމާނުކަމަށް އެސްޓީއޯއިން މައުލޫމާތު ދެއެވެ.

ބޮޑު އިނާމްތަކުގެ އިތުރުން ޕީޕަލް ޗޮއިސްގައި ވަގުތުން އިނާމު ލިބޭ ބައެއް ގޭމްތައްވެސް ހުންނާނެ ކަމަށް އެސްޓީއޯއިން ބުނެއެވެ.