185309_3_2bf0a440a61b9bf5f115ad6cf198ad70763d3e0c_medium
ހައިކޯޓުގެ ހުސްވެފައިވާ ފަނޑިޔާރުންގެ މަޤާމުގެ ތެރެއިން ކުރިމަތިލާން ހުޅުވާލި މަޤާމަށް ދެ ބޭފުޅަކު ކުރިމަތިލާފައިވާކަމަށް ޖުޑިޝަލް ސާވިސް ކޮމިޝަން (ޖޭއެސްސީ) އިން ބުނެފިއެވެ.
ހައިކޯޓަށް ފަނޑިޔާރަކު ހޯދަން ޖުޑިޝަލް ސާވިސް ކޮމިޝަނުން އިއުލާން ކޮށްފައިވަނީ ހައިކޯޓުގެ ފަނޑިޔާރު ޢަލީ ސަމީރު ފަނޑިޔާރުކަމުގެ މަގާމުން އިސްތިއުފާދެއްވުމާ ގުޅިގެންނެވެ. މިމަޤާމަށް ކުރިމަތިލުމުމަށް މިދިޔަ މަހު 26 ވަނަ ދުވަހު ހުޅުވާލުމުން މުއްދަތު ހަމަވިއިރު ކުރިމަތި ލާފައިވަނީ ދެ ބޭފުޅެކެވެ.
ހައިކޯޓުގެ ފަނޑިޔާރުގެ މަޤާމުން އިސްތިއުފާ ދެއްވުމަށްފަހު ފަނޑިޔާރު ސަމީރު ވަނީ ޑެޕިއުޓީ ޕްރޮސިކިއުޓަރ ޖެނެރަލްގެ މަޤާމާއި ހަވާލުވެ ވަޑައިގެންފައެވެ. ހައިކޯޓުގެ ފަނޑިޔާރުކަމުގެ މަޤާމުން ސަމީރު އިސްތިއުފާ ދެއްވާފައިވާއިރު ހައިކޯޓުގެ ފަނޑިޔާރު އަބްދުﷲ ހަމީދު ފަނޑިޔާރުކަމުގެ މަޤާމުން ވަނީ ވަކިކޮށްފައެވެ. އެމަޤާމުވެސް މިހާރު ވަނީ ހުސްވެފައެވެ.
ހުސްވެފައިވާ ހައިކޯޓުގެ ފަނޑިޔާރުކަމަށް ކުރިމަތިލެއްވި ބޭފުޅުން:
ޙުޒައިފާ މުޙައްމަދު، ހ.ސޭންޑީބީޗް، މާލެ
ޝުކުރުﷲ ޝަކީލް، ސިޔާމާމަންޒިލް، އއ.ފެރިދޫ
ފަހުގެ
