--
މި ފެށޭ ޑިސެމްބަރު މަހު ހައިކޯޓު ރިސެސްއަށް ދާން ނިންމާފައިވާ ކަމަށް އެ ކޯޓުން ބުނެފިއެވެ.
އެކޯޓުން މިއަދު ނެރުނު ބަޔާނެއްގައި ބުނީ އެ ކޯޓުގެ ޤަވާއިދުގެ 4 ވަނަ މާއްދާގެ (ހ) ގައިވާ ގޮޮތުގެ މަތިިން ޑިސެމްބަރު 1 ވަނަ ދުވަހުން ފެށިގެން ޑިސެމްބަރު މަހުގެ ނިޔަލަށް ހައިކޯޓު ރިސެސަށް ދިއުމަށް ނިންމާފައިވާ ކަމަށެވެ.
ރިސެސްގެ މުއްދަތުގައިވެސް ވަކި ބާވަތްތަކުގެ މައްސަލަތައް ކޯޓުން ބަލަމުންދާނެކަން ވަނީ ހާމަކޮށްފައެވެ. އޭގެ ތެރޭގައި އެ ކޯޓުގެ ބީ-12 ސެކްޝަނުން ބަލަމުންދާ މައްސަލަތަކާއި، މޮނިކޮން އަމުރުތަކާ ގުޅޭ މައްސަލަތައް ހިމެނެއެވެ. އަދި އަވަސް ތަބީއަތުގެ މައްސަލަތަކާއި ޙުކުމް ތަންފީޒު ކުރުމާގުޅޭ މައްސަލަތައްވެސް ހިމެނެއެވެ.
އޭގެ އިތުރުންވެސް ޙުކުމް ކުރުމަށް ބާއްވާ ޝަރީއަތުގެ މަޖިލިސްތައްވެސް އެ މުއްދަތުގައި ކުރިއަށްދާނެކަން ވަނީ ހާމަކޮށްފައެވެ.
ހައިކޯޓުގެ އިތުރުން އަންނަ މަހުގެ 30 ގެ ނިޔަލަށް ފެމިލީ ކޯޓުން ވެސް ވަނީ އެ ކޯޓު ރިސެސްއަށް ދާނެކަން އިއުލާނު ކޮށްފައެވެ.
ފަހުގެ
