big_LpBJdApYigMJ8qDKfXNJyOWd3
މޯލްޑިވްސް ޓުއަރިޒަމް ޑިވެލޮޕްމަންޓް ކޯޕަރޭޝަން (އެމްޓީޑީސީ) ގެ ފާއިތުވެދިޔަ އަހަރުގެ ފާއިދާއިން ހިއްސާއަކަށް 60 ލާރި ބަހަން، ކުންފުނީގެ ހިއްސާ ދާރުންނަށް ހުށަހަޅަން ކުންފުނީގެ ބޯޑުން ފާސްކޮށްފިއެވެ.
އެމްޓީސީއަކީ ފަތުރުވެރިކަން ކުރިއެރުވުމަށް ސަރުކާރުން އުފެއްދި ކުންފުންޏެކެވެ. އަދި އެކުންފުނި އުފެދިގެން އައުމަށްފަހު ކުރީ ކޮޅުގައި ހިއްސާ ދާރުންނަށް ބޮޑު ފައިދާއެއް ލިބުނުނަމަވެސް އޭގެ ފަހުން ދިގު މުއްދަތެއް ވަންދެން ކުންފުންޏަށް ބޮޑެތި ގެއްލުންތަކަކާ ކުރިމަތިލާން ޖެހުނެވެ. އެއަށްފަހު ޖެހިގެން އައި 11 އަަހަރު ވަންދެން ހިއްސާ ބަހާފައެއް ނުވެއެވެ. އެގާރަ އަހަރަށްފަހު ފުރަތަމަ ފަހަރަށް ހިއްސާ ބަހާފައިވަނީ 2020 ވަނަ އަހަރުއެވެ. އެއަހަރު ބަހާފައިވަނީ ހިއްސާއަކަށް 50 ލާރިއެވެ. އަދި ޖެހިގެން އައި އަހަރު ހިއްސާއަކަށް 70 ލާރި ބަހާފައި ވެއެވެ.
މިމަހުގެ 18 ވަނަ ދުވަހު ބެއްވި އެކުންފުނީގެ ބޯޑު ބައްދަލުވުމުގައި ހިއްސާއަކަށް 60 ލާރި ބަހަން ވަނީ ނިންމާފައެވެ. މި ނިންމުން ތަންފީޒު ވެގެން ދާނީ، ކުންފުނީގެ އަހަރީ އާންމު ޖަލްސާ އަށް ހުށަހަޅާ، ހިއްސާ ދާރުންގެ ތާއީދު ލިބިއްޖެ ނަމައެވެ.
ފާއިތުވި 3 އަަހަރުވެސް ފާހަގަވެގެން ގޮސްފައިވަނީ އެމްޓީޑީސީއަށް ފައިދާ ވެފައިވާ 3 އަަހަރު ކަމުގައެވެ. މީގެ ތެރެއިންވެސް ކުންފުންޏަށް އެންމެ ބޮޑު ފައިދާއެއް ވެފައިވަނި ފާއިތުވެދިޔަ އަހަރުއެވެ. މިގޮތުން ކުންފުނީގެ ހިސާބުތައް ދައްކާފައިވާ ގޮތުން، ފާއިތުވެދިޔަ އަހަރު ނިމުނު އިރު ނަގުދު ފައިސާގެ ގޮތުގައި ކުންފުނީގައި 4.8 މިލިއަން ޑޮލަރު ހުއްޓެވެ.
ކުންފުނީގެ ހަރު މުދަލާއި އިންވެސްޓުމަންޓު ތަކުގެ އަގަކީ 98 މިލިއަން ޑޮލަރެވެ.
ފަހުގެ
