GMG_2731
ގދ. ތިނަދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީ (ގދ. ތިނަދޫ ޑަބްލިއުޑީސީ)ގެ އިސްނެގުމުގެ މަތިން ބައިނަލްއަގުވާމީ އާއިލާ ތަކުގެ ދުވަސް ފާހަގަ ކުރުމުގެ ގޮތުން އިއްޔެ ބޭއްވި ޚާއްސަ "ހަހަތުވެތި ހަވީރު" އަށް ބޮޑު ތަރުހީބެއް ލިބިއްޖެ އެވެ.
އިއްޔެ ހަވީރު ތިނަދޫ ސްޓޭޑިއަމްގައި ބޭއްވި އެ ހަވީރުގައި ކުޑަކުދިންނަށް ޚާއްސަ އެތައް ސްޓޯލްތަކެއް ބަހައްޓާފައިވާއިރު، އާއިލާއާއެކު މަޖާ މާހައުލެއްގައި ވަގުތު ހޭދަކޮށްލަން ގިނަ ބަޔަކު ވަނީ އެ ތަނަށް ޒިޔާރަތްކޮށްފައެވެ.
ހަރަކާތުގައި ތަފާތު އެކި އެކި ކުޅިވަރު ސްޓޯލްތަކާއި ހޮސްޕިޓަލްގެ ހެލްތް ޗެކަޕް ޑައިބެޓިކް ސްކްރީނިން އަދި ތެލެސީމިއާ ސްކްރީނިންގ ހިލޭ ހެދުމުގެ ކަންކަންވެސް ކުރިއަށް ގެންގޮސްފައިވެ އެވެ. މީގެ އިތުރުން ގދ. ފެމެލީ، ޗިލްޑްރެންސް ސާވިސް ސެންޓަރގެ ފަރާތުން ކުޑަކުދިންގެ ޙާއްސަ މަޢްލޫމާތުތަކެއް ދިނުމުގެ ހަރަކާތްތައްވެސް ކުރިއަށްދިޔަ އެވެ.
އެ ހަރަކާތުގެ ތެރެއިން ގިނަ ބައެއްގެ މަގްބޫލުކަން ހޯދާފައިވަނީ ސްޓޫޑިއޯ33 އިން ބޭއްވި ބިރުވެރި ހޮހަޅައެވެ. އެ ހަރަކާތަކީ ގިނަ އަހަރުތަކަކަށްފަހު ތިނަދޫގައި ބޭއްވު އެފަދަ ފުރަތަމަ ހަރަކާތް ކަމުން، އެ ހަރަކާތަށް ގިނަ ބައެއްގެ ތަރުހީބު ވަނީ ލިބިފައެވެ.
އެ ހަރަކާތް ކުރިއަށް ގެންގޮސްފައިވަނީ ގިނަ ބައެއްގެ އެހީތެރިކަމާއެކުގައެވެ. އެ ގޮތުން އެ ހަރަކާތް ކުރިއަށް ގެންގޮސްފައިވަނީ ކެންގަރޫ ކިޑްސްއާއި، ތިނަދޫ ޕޮލިސް ސްޓޭޝަނާއި، ތިނަދޫ ކައުންސިލް، ތިނަދޫ ފެމެލީ އެންޑް ޗިލްޑްރެންސް ސާވިސް ސެންޓަރ އާއި ސްޓޫޑިއޯ33، ޔަންގް ލީޑާސް، އަބޫބަކުރު ސްކޫލް، ޑރ. އަބްދުއްސަމަދު މެމޯރިއަލް ހޮސްޕިޓަލްގެ އިތުރުން، އެމްއެންޔޫ ތިނަދޫ ކެމްޕަހާއި އެމްއައި ކޮލެޖާ ގުޅިގެންނެވެ.
މި ހަރަކާތުގެ އޮންލައިން މީޑިއާ ޕާޓްނަރ އަކީ ގާފު އޮންލައިނެވެ.
ފަހުގެ
