ކުރީގެ ފުޓްބޯޅަ ކުޅުންތެރިޔާ ސޮބާހްވެސް ޕީޕީއެމްއަށް!
އަހުމަދު ޝުރާއު
5/15/2022, 10:10:11 PM
FS0E9v_acAAfKoz-1024x763
ރާއްޖޭގެ ކުރީގެ ފުޓްބޯޅަ ކުޅުންތެރިއެއް ކަމަށްވާ ސޮބާހު މުހައްމަދު (ސޮބާ) އިދިކޮޅު ޕްރޮގްރެސިވް ޕާޓީ އޮފް މޯލްޑިވްސް، ޕީޕީއެމަށް އަށް ސޮއިކޮށްފި އެވެ.
ސޮބާ ޕީޕީއެމަށް ސޮއިކުރީ މިރޭ އެވެ. އެގޮތުން ސޮބާ އެޕާޓީއަށް ސޮއިކުރި ފޯމާއި ޕާޓީގެ ފަރާތުން ހަވާލުވީ އެޕާޓީގެ ރައީސް އަދި ރައްޖޭގެ ކުރީގެ ރައީސް ޔާމީން އަބްދުލް ޤައްޔޫމް އެވެ.
ސޮބާ ފާހަގަވެގެންގޮސްފައިވަނީ ރާއްޖޭގައި އުފެދުނު އެންމެ ވަރުގަދަ އެއް ޑިފެންޑަރުގެ ގޮތުގައެވެ. އެގޮތުން ރާއްޖެއަށް ފުޓުބޯޅައިގައި ލިބުނު އެންމެ ފުރަތަމަ ރަން މެޑަލް ، ސާފް 2008 ގެ ރަންތަށި ރާއްޖެއަށް ލިބުނު މުބާރާތުގައި ސޮބާވަނީ ރާއްޖޭގެ ޤައުމީ ފުޓްބޯޅަ ޓީމުގެ ސްކޮޑުގައި ހިމެނި މޮޅު ކުޅުމެއް ދައްކާފައެވެ.
ޕީޕީއެމްއަށް ސޮބާގެ އިތުރުންގެ އިތުރު ބަޔަކު މިރޭ ވަނީ ސޮއިކޮށްފައެވެ. ޕީޕީއެމުން ދަނީ އެޕާޓީގެ މެމްބަރުން އިތުރު ކުރުމުގެ ބޮޑު ކެމްޕެއިންނެއް ކުރިޔަށް ގެންދަމުންނެވެ.