ވިސާމް މެލޭޝިޔާގެ ސަފީރުކަމުން އިސްތިއުފާ ދެއްވައިފި

މެލޭޝިއާގައި ހުންނަވާ ރާއްޖޭގެ ސަފީރު ވިސާމް އަލީ މަގާމުން އިސްތިއުފާ ދެއްވައިފި އެވެ.

މީގެ ތިން އަހަރު މެލޭޝިއާއަށް ކަނޑައަޅާފައިވާ ސަފީރުކަމަށް އައްޔަންކުރެއްވި ވިސާމް އިސްތިއުފާ ދެއްވާފައިވާކަން ފޮރިން މިނިސްޓްރީން މިރޭ ވަނީ މީޑިއާތަކަށް ކަށަވަރުކޮށްދީފައެވެ. ނަމަވެސް އިސްތިއުފާދެއްވި ސަބަބެއް ހާމަކޮށްފައެއް ނުވެއެވެ.

އޭނާ އިސްތިއުފާ ދެއްވުމުން މެލޭޝިއާގައި ހުންނަ ރާއްޖޭގެ ހައިކޮމިޝަން ވަގުތީ ގޮތުން ހިންގަވާނީ ޑެޕިއުޓީ ހައިކޮމިޝަނަރެވެ.

ވިސާމް އިސްތިއުފާ ދެއްވުމާއި ގުޅިގެން މިނިސްޓަރު ޝާހިދު ވަނީ މެލޭޝިއާއަށް ރާއްޖޭން ކަނޑައަޅާފައިވާ ސަފީރުގެ ގޮތުގައި ވޭތުވެދިޔަ ތިން އަހަރު ދުވަހު އެކަމަނާ ކޮށްދެއްވި ހިދުމަތްތައް ފާހަގަކުރައްވައި ޝުކުރު އަދާކުރައްވާފައެވެ.

ވިސާމް އަކީ މީގެ ކުރިން ރައްޔިތުންގެ މަޖިލީހުގެ މެމްބަރުކަންވެސް ކުރެއްވި ކަނބަލެކެވެ.