large_148896601727AuM4
މާދަމާ ފާހަގަކުރާ ބައިނަލްއަޤުވާމީ އަންހެނުންގެ ދުވަހުގައި ވަކި ހަދިޔާތަކެއް ނުދިނުމަށް ޖެންޑާ މިނިސްޓްރީން ސަރުކާރުގެ އޮފީސްތަކަށް އަންގައިފި އެވެ.
ޖެންޑާ މިނިސްޓްރީގެ ސްޓޭޓް މިނިސްޓަރު ޒިފްލީން ހަސަން ސޮއިކުރައްވައި ފެބްރުއަރީ މަހުގެ 27 ގައި ސަރުކާރުގެ އޮފީސްތަކަށް ފޮނުއްވި ސާކިއުލާއެއްގައި އަންހެނުންގެ ދުވަސް ފާހަގަކުރުމުގެ ހަރަކާތްތައް ބާއްވާއިރު ބައެއް ކަންކަމަށް ސަމާލުވާން ވަނީ އަންގާފައެވެ.
އޭގެތެރޭގައި މަރުހަބާ ކިޔަން ރަތް ދޫލަ އެޅުމާއި މާބޮނޑި ދިނުމާއި ފިނިފެންމާ ދިނުމާއި ޗޮކްލެޓް ދިނުމާއި ކޭކު، ބަދިގޭގައި ގެންގުޅޭ ތަކެތި (ތެލި، ތަށި، އުނދުޅި) އަދި ގޭތެރެ ސާފުކުރުމަށް ބޭނުންކުރާ ތަކެތި (މޮޕް، ފިހިގަނޑު) ފަދަ ތަކެތި ދިނުން ވަނީ މަނާކޮށްފައެވެ. މީގެ އިތުރުން ޖިންސަކަށް ނިސްބަތްވާ ކަމަށް މުޖުތަމައުގައި ގަބޫލުކުރެވޭ ކުލަތައް ބޭނުން ނުކުރުމަށް ސަމާލުކަން ދިނުމަށް ޖެންޑާ މިނިސްޓްރީން އެދެ އެވެ.
ސާކިއުލާގައި ބުނެފައި ވަނީ އަންހެނުންގެ ދުވަސް ފާހަގަކުރަން ވާނީ "ޖެންޑާ އީކުއެލިޓީ ޓުޑޭ ފޯ އަ ސަސްޓެއިނަބަލް ޓުމޯރޯ" ޝިއާރުގެ މަގްސަދު ހާސިލް ކުރެވޭނެ ގޮތަކަށް ކަމަށެވެ.
އަންހެނުނުގެ ދުވަސް ފާހަގަކުރުމަށް އޮފީސްތަކުގައި ހާއްސަ ހަދިޔާ ދިނުމަކީ އާއްމުކަމެކެވެ. ނަމަވެސް މިއީ މިފަދ ހަރަކާތްތައް ސަރުކާރުން މަނާ ކުރި ފުރަތަމަ ފަަހަރެވެ.
ގުޅުންހުރި
ހަނގާ ކުރުމުން ކުދިން ރައްކާތެރިކުރުމުގެ މައުލޫމާތު ނާލާފުށި ސްކޫލްގެ ބެލެނިވެރިންނަށް ދީފި
ކުޑަކުއްޖާއަށް އަނިޔާ ކުރާ ވީޑިއޯ މީސް މީޑިއާގައި ދައުރު ނުކުރަން އެދިއްޖެ
ގޭތެރޭގެ ޒިންމާތަކުގައި ފިރިމީހާ ހިއްސާވާނަމަ ހަމަހަމަކަމަށް ހުރި ހުރަސްތައް ނައްތާލެވޭނެ: ފަޒްނާ
އެފް.ސީ.އެސް.ސީ މުވައްޒަފުންނަށް ހިންގި ތަމްރީނު ޕްރޮގްރާމް ނިންމާލައިފި
ފަހުގެ
