ތައިރޮއިޑްގެ ފަރުވާއަކަށް ރައީސް ސިންގަޕޫރަށް

ތައިރޮއިޑްގެ ފަރުވާއަކަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ސިންގަޕޫރަށް ފުރާވަޑައިގަތުމަށް ހަމޖެހިއްޖެ އެވެ.

އެކަން ހާމަކޮށް ރައީސް ސޯލިހް މިއަދު ކުރެއްވި ޓްވީޓެއްގައި ވިދާޅުވީ، ޑޮކްޓަރުގެ ލަފާގެމަތިން ތައިރޮއިޑް ފަރުވާއަކަށް، މިއަދު ސިންގަޕޫރަށް ފުރާވަޑައިގަންނަވަން ހަމަޖެހިފައިވާ ކަމަށެވެ.

މި ފެބްރުއަރީ މަހުގެ 10 ވަނަ ދުވަހުވެސް ރައީސް ސޯލިހް ވަނީ ނުރަސްމީ ދަތުރުފުޅެއްގައި ސިންގަޕޫރަށް ފުރާވަޑައިގެންފައެވެ. އެ ދަތުރުފުޅަށްފަހު ރައީސް މާލެ ވަޑައިގެންފައިވަނީ ފެބްރުއަރީ 15 ވަނަ ދުވަހުއެވެ.