ދިވެހިންގެ ކިބައިން މާފަށް އެދި، ޖާބިރު ތައުބާވެއްޖެ
ފަތުހުالله ޔާމީން ސައީދު
9/30/2021, 10:44:54 AM
b_1dP86Wlo2UFRW3Rvs19ILgxma
ރައްޔިތުންގެ މަޖިލީހުގެ ތަޅުމުގައި، ދިވެހިރާއްޖޭގައި އެހެން ދީންތަކަށް ފުރުސަތު ދޭން ޖެހޭ ކަމަށް ވިދާޅުވުމާ ގުޅިގެން ބޮޑެތި ފާޑުކިޔުންތައް އަމާޒުވުމުން ކާށިދޫ ދާއިރާގެ މެމްބަރު އަބްދުﷲ ޖާބިރު މާފަށް އެދި ތައުބާވެއްޖެ އެވެ.
ޖާބިރު އިއްޔެ މަޖިލިސް ތަޅުމުގައި ދެއްކެވީ އިސްލާމް ދީނުގެ ހައްދުން ބޭރުވެފައިވާ ފަދަ ވާހަކަތަކެއް ކަމަށް އިސްލާމިކް މިނިސްޓަރ ޑރ.އަހުމަދު ޒާހިރު އަލީ ވަނީ ވިދާޅުވެފައެވެ.
ޖާބިރު މަޖިލީހުގައި ދެއްކެވި ވާހަކަތަކާއި ގުޅިގެން އޭނާއަށް ގިނަބައެއްގެ ފާޑުކިޔުންތައް ވަނީ އަމާޒުވެފައެވެ. އަދި ގިނަބަޔަކު އެކަން ކުށްވެރި ކުރަމުންދެެއެވެ.
https://gaafu.mv/news/34049
ޖާބިރު ވިދާޅުވީ މަޖިލީހުގައި އެގޮތައް ވާހަކަ ދެކެވުނީ ޖަޒުބާތުގައި ޖެހިގެން ކަމަށެވެ. އެކަމަށް ދިވެހި ރައްޔިތުންގެ ކިބައިން މާފަށް އެދޭކަމަށް ވެސް ޖާބިރު ވިދާޅުވިއެވެ.
ޖާބިރު ދެއްކި ވާހަކަ މަޖިލީހުން ބަލަމުން ގެންދާ ކަމަށް މަޖިލީހުގެ އިދާރާ އިން ވަނީ ވިދާޅުވެފައެވެ.