މާމެންދޫގައި "މޫދު ކަސްރަތު" ޕްރޮގްރާމް ފަށައިފި

މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) ސެންޓްރަލް އޭރިއާ ކޮމާންޑުން "މޫދު ކަސްރަތު" ޕްރޮގްރާމް ފަށައިފި އެވެ.

އެމްއެންޑީއެފުން ބުނީ ސެންޓްރަލް އޭރިއާ ކޮމާންޑާއި ލ.މާމެންދޫ އަންހެނުންގެ ތަރައްގީއަށް މަސައްކަތްކުރާ ކޮމިޓީއާ ގުޅިގެން ކުރިއަށްގެންދާ ޕްރޮގްރާމެއް ކަމަށެވެ.

މި ޕްރޮގްރާމް ކުރިއަށްގެންދަނީ މިއަދުން ފެށިގެން މި އަންނަ މަހުގެ 4 ވަނަ ދުވަހާ ހަމައަށެވެ. މި ޕްރޮގްރާމްގައި އެރަށުގެ 18 ކަނބަލުން ބައިވެރިވެފައިވެ އެވެ.

މި ޕްރޮގްރާމްގެ މަގްސަދަކީ ރައްޔިތުންނަށް ބޭނުންވާ ދުޅަހެޔޮކަމާއި، ދުޅަހެޔޮ ސިއްހަތާއި، އެކުވެރިކަމާއެކު ގުޅިގެން މަސައްކަތްކުރާ އެއްބައިވަންތަ މުޖުތަމައުއެއް ބިނާކުރުމެވެ. އަދި މި ޕްރޮގްރާމުގައި ކުލާސްތައް ނަގައިދެނީ އެމްއެންޑީއެފް ސެންޓްރަލް އޭރިއާ ކޮމާންޑްގެ މުދައްރިބުންނެވެ.