އިންތިހާބުގައި ކެންދޫއިން ޕީއެންސީޢަށް ލިބުނު ކާމިޔާބީ ފާހަގަކުރަނީ

ނިމިދިޔަ ލޯކަލް ކައުންސިލް އިންތިހާބުގައި ބ ކެންދޫއިން ޕީއެންސީޢަށް ލިބުނު ކާމިޔާބީ ފާހަގަކުރަން ނިންމައިފި އެވެ.

ޕީއެންސީން ބުނީ ލޯކަލް ކައުންސިލް އިންތިޚާބު 2026 ގައި ބ. ކެންދޫ ގެ ކޮންގްރެސް ޕާޓީގެ ކެންޑިޑޭޓުން ހޯދާފައިވާ ތާރީޚީ ކާމިޔާބީ ފާހަގަ ކުރުމަށް ބާއްވާ ޚާއްޞަ ޙަފްލާގައި ބައިވެރިވެވަޑައިގެން ދެއްވުމަށް އެދި ޕާޓީގެ ލޮބުވެތި މެންބަރުންނާއި ޕާޓީއަށް ތާއީދު ކުރައްވާ އެންމެހާ ބޭފުޅުންނަށް ދަޢުވަތު އަރުވާ ކަމަށެވެ.

އެގޮތުން މި ހަފްލާ ބާއްވަން ނިންމާފައިވަނީ މިރޭ 20:30 ހާއިރު މާލޭގައި ހުންނަ ކޮންގްރެސް ޕާޓީ އޮފީސް (ހ. ވެޔޮވިލާ) ގައި އެވެ.

އިންތިހާބުގައި ކެންދޫގެ ކައުންސިލާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީގެ ހުރިހާ ގޮނޑިއެއްވެސް ކާމިޔާބުކުރީ ވެރިކަން ކުރާ ޕީއެންސީއިންނެވެ.