ހައުސިންގ މިނިސްޓްރީން އަފީފުގެ ހިދުމަތުގެ އަގު ވަޒަންކޮށްފި

އިއްޔެ ފެނަކަ ކޯޕަރޭޝަންގެ މެނޭޖިންގ ޑިރެކްޓަރުގެ މަގާމަށް އައްޔަނުކުރި މުޙައްމަދު ޢަފީފް ޙުސައިން، މިނިސްޓްރީ އޮފް ހައުސިންގ އިންފްރާސްޓްރަކްޗަރ އަދި އާބަން ޑިވެލޮޕްމެންޓަށް ފާއިތުވި ދުވަސްތަކުގައި ކޮށްދެއްވި ހިދުމަތުގެ އަގު ވަޒަންކޮށްފި އެވެ.

ފެނަކައިގެ އައު އެމްޑީއަކަށް އަފީފް އައްޔަނުކުރެއްވުމުގެ ކުރީން ހުންނެވީ ހައުސިންގ މިނިސްޓްރީގެ ޑިރެކްޓަރ ޖެނެރަލް އޮފް ޕަބްލިކް ވަރކްސްގެ މަޤާމުގައި އެވެ.

އެގޮތުން މިނިސްޓްރީން މިއަދު ވަނީ އަފީފުގެ އަގުޑިރެކްޓަރ ޖެނެރަލް އޮފް ޕަބްލިކް ވަރކްސްގެ މަޤާމުގައި ހުންނަވައި މުޙައްމަދު ޢަފީފް ޙުސައިން ފެނަކަ ކޯޕަރޭޝަން ލިމިޓެޑްގެ މެނޭޖިންގ ޑިރެކްޓަރުގެ މަޤާމަށް އައްޔަންކުރެއްވުމާ ގުޅިގެން މިނިސްޓްރީއަށް ކޮށްދެއްވި އަގުހުރި ޚިދުމަތުގެ އަގުވަޒަންކުރުމާއި މަރުޙަބާ ދެންނެވުމަށް ޚާއްސަ ރަސްމިއްޔާތެއް ބާއްވާފައި އެވެ.

ސަރުކާރުގެ ޚިދުމަތުން ރިޓަޔަރ ކުރެއްވުމަށްފަހު މިނިސްޓްރީއިން ވަކިވެވަޑައިގެންނެވިއިރު، ޢަފީފް ވަނީ ދިވެހި ސަރުކާރަށް ޖުމްލަ 42 އަހަރާއި 8 މަހާއި 4 ދުވަހު އަގުހުރި ޚިދުމަތްތަކެއް ކޮށްދެއްވާފައެވެ.

އަފީފް ވަނީ މީގެ ކުރީން ސަރުކާރު ހިއްސާވާ ބައެއް ކުންފުނިތައް ޗެއާމަނެއްގެ ހައިސިއްޔަތުންވެސް ހިންގަވާފައި އެވެ. އޭގެ ތެރޭގައި ސްޓެލްކޯއާއި ފެނަކަ ހިމެނެއެވެ.