މަސްތުވާތަކެތި ނައްތާލުމުގެ ހަރަކާތް އޮބްޒާވްކުރުން އާންމުންނަށް ހުޅުވާލައިފި

އެކި މައްސަލަތަކުގައި ފުލުހުންގެ ބެލުމުގެ ދަށަށް ގެންގޮސްފައިވާ މަސްތުވާތަކެތި ނައްތާލުމުގެ މަސައްކަތް ކުރިއަށްދާ ގޮތް އޮބްޒާވްކުރަން ބޭނުންވާ ފަރާތްތަކަށް އެ ފުރުސަތު ހުޅުވާލައިފި އެވެ.

މި ހަރަކާތުގައި ބައިވެރިވުމުގެ ފުރުސަތު ހުޅުވާލާފައިވަނީ 18 އަހަރުން މަތީގެ ދިވެހި ރައްޔިތުންނަށެވެ. އަދި ބައިވެރިވާން ޝައުގުވެރިވާ ފަރާތްތަކުގެ ތެރެއިން ފުރުސަތު ލިބެނީ އެކަމަށް ހުށަހަޅާ ފުރަތަމަ 10 ބައިވެރިންނަށެވެ.

ބައިވެރިވާން ބޭނުންވާ ފަރާތްތަކުން އަށް އޮބްޒާވްކުރުމަށް ހުށަހަޅާ ފަރާތުގެ ފުރިހަމަ ނަމާއި، އައިޑީކާޑު ނަންބަރާއި، ގުޅޭނެ ނަންބަރާއެކު އީމެއިލް ކުރުމަށް ފުލުހުން ވަނީ އެދިފަ އެވެ.

މަސްތުވާތަކެތި ނައްތާލުމުގެ މަސައްކަތް އޮބްޒާވްކުރުމުގެ ފުރުސަތު ހުޅުވާލާފައިވަނީ މިރޭ 12:00 އާއި ހަމައަށެވެ. އަދި މި ހަރަކާތް ކުރިއަށް ގެންދަން ހަމަޖެހިފައިވަނީ މާދަމާ މެންދުރުފަހު ދޫނިދޫގަ އެވެ.