ވަކިބަޔަކަށް މަންފާވާގޮތަށް ޕާކިން ސްލޮޓްތައް ދޫކުރާކަމަށް ބުނާ ވާހަކަތައް އެޗްޑީސީން ދޮގުކޮށްފި

ވަކި ބަޔަކަށް މަންފާވާގޮތަށް ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ)އިން ޕާކިންގ ސްލޮޓްތައް ދޫކުރާކަމަށް ބުނާ ވާހަކަތައް އެކޯޕަރޭޝަނުން ދޮގުކޮށްފި އެވެ.

އެޗްޑީސީން މިއަދު ނެރުނު ނޫސްބަޔާނެއްގައި ބުނީ،

އެޗްޑީސީގެ ބަޔާނުގައި ބުނެފައިވަނީ ހުޅުމާލެއަށް ދިމާވެފައިވާ ޕާކިން މައްސަލައަށް ދާއިމީ ހައްލެއް ހޯދައިދިނުމަށް ސަރުކާރުގެ ސިޔާސަތުގެ ތެރެއިން އެކޯޕަރޭޝަނުން ކުރަމުން އަންނަ މަސައްކަތުގެ ތެރެއިން ހުޅުމާލޭގެ އެކި ސަރަހައްދުތަކުން ޕޮކެޓް ޕާކިން އަށް ހުޅުވާލުމުން ގިނަ އަދަދެއްގެ ބަޔަކު ކުރިމަތިލާފައިވާ ކަމަށެވެ.

ޕޮކެޓް ޕާކިންގ އަށް އެޕްލައި ކުރި ފަރާތްތައް އިވެލުއޭޓްކޮށް އޭގެތެރެއިން ޝަރުތު ހަމަވާ ފަރާތްތައް އާއްމުކޮށް ފެންނާނެހެން އިއުލާންކޮށްފައިވާ ކަމަށްވެސް އެޗްޑީސީން ވަނީ ބުނެފައެވެ.

އެޗްޑީސީން ބުނީ ވަކިބަޔަކަށް ނާޖާއިޒު މަންފާ ލިބޭގޮތަށް ޕާކިންގ ސްލޮޓްތައް ވިއްކަމުންދާކަމަށް ބުނެ އެ ކޯޕަރޭޝަނުގެ އިތުބާރުގެއްލޭގޮތަށް މައުލޫމާތު ޝާއިއުކޮށްފައިވާތީ އެކަން އެންމެ ހަރުކަށި އިބާރާތުން ކުށްވެރިކުރާ ކަމަށެވެ. އަދި މިފަދަ ހަގީގަތާ ހިލާފު މައުލޫމާތު ހިއްސާ ކުރާ ފަރާތްތަކުގެ މައްސަލަ ކަމާބެހޭ މުވައްސަސާތަކަށް ހުށަހަޅާނެ ކަމަށްވެސް އެކޯޕަރޭޝަނުން ވަނީ ބުނެފައެވެ.