އިރާނުގެ ނިއުކްލިއާ ފެސިލިޓީއަކަށް އެމެރިކާއާއި އިޒްރޭލުން ބޮން އަޅައިފި

އިރާނުގެ ނިއުކްލިއާ ފެސިލިޓީއަކަށް އެމެރިކާއާއި އިޒްރޭލުން ބޮން އަޅައިފި އެވެ.

އިރާނުގެ ތަސްނީމް ނިއުސް އޭޖެންސީން ރިޕޯޓުކުރަމުންދާގޮތުގައި ނަތަންޒްގައި ހުންނަ ޝާހިދު އަހުމަދީ ރޯޝަން އެންރިޗްމަންޓް ކޮމްޕްލެކްސްއަށް އެމެރިކާއާއި އިޒްރޭލުން ވައިގެ ހަމަލާތަކެއް ދީފައިވާ ކަމަށެވެ.

މިކަން ދާދި ދެންމެ އަކު އީރާނުގެ އެޓޮމިކް އެނާޖީ އޯގަނައިޒޭޝަނުންވެސް ވަނީ ކަށަވަރުކޮށްދީފައި އެވެ.

އީރާނުގެ އެޓޮމިކް އެނާޖީ އޯގަނައިޒޭޝަނުން ނެރުނު ކުރު ބަޔާނެއްގައި ބުނީ ނަތަންޒްގައި ހުންނަ ޔޫރޭނިއަމް އުފައްދާ ފެސިލިޓީއަށް ދިން ހަމަލާއަކީ ނިއުކްލިއާ ނޮން ޕްރޮލިފަރޭޝަން ޓްރީޓީއާ ހިލާފު ހަމަލާއެއް ކަމަށެވެ.

ރިޕޯޓުތައް ބުނާގޮތުގައި މި ހަމަލާއާއި ގުޅިގެން އެ ކޮމްޕްލެކްސްގައި ރޭޑިއޯއެކްޓިވް މެޓީރިއަލް ލީކުވެފައިވާ ކަމުގެ ރިޕޯޓެއް ނެތް ކަމަށާއި އެއާއިއެކު އެ ސަރަހައްދުގެ ވަށައިގެންވާ ސަރަހައްދުތަކުގައި ދިރިއުޅޭ ރައްޔިތުންނަށް އެއްވެސް ނުރައްކަލެއް ނެތް ކަމަށެވެ.