ގަލޮޅު މޯޗަރީ ކައިރީ ހުރި ގެއެއްގައި ރޯވި އަލިފާންގަނޑު ކޮންޓްރޯލްކޮށްފި

މާލެ، ގަލޮޅު މޯޗަރީ ކައިރީ ހުރި ގެއެއްގައި ރޯވި އަލިފާންގަނޑު ކޮންޓްރޯލްކޮށްފި އެވެ.

އެމްއެންޑީއެފުން ބުނީ ހުވަފެނީ ގޯޅީގައި ހުރި ގެއެއްގައި އަލިފާނުގެ ހާދިސާއެއް ހިނގައިގެން ރިިޕޯޓް ލިބިފައިވާ ކަމަށެވެ. އަދި އަލިފާންގަނޑު ރޯވެފައިވަނީ ހެނދުނު 10:57 ހާއިރުކަމަށް އެމްއެންޑީއެފުން ބުނެ އެވެ.

އެމްއެންޑީއެފް ފަޔާ އެންޑް ރެސްކިއު ސާވިސްއިން ހަރަކާތްތެރިވެގެން އަލިފާންގަނޑު ނިއްވާލާފައިވަނީ 11:52 ހާއިރު އެވެ. ނަމަވެސް އެމްއެންޑީއެފުން މި ހާދިސާ ހިނގަން ދިމާވި އެއްވެސް ސަބަބެއް ހާމަކޮށްފައެއް ނުވެ އެވެ. އަދި އެއްވެސް މީހަކަށް ގެއްލުމެއް ލިބިިފައިވާކަންވެސް މިހާތަނަށް ހާމަކޮށްފައެއް ނުވެ އެވެ.

އަލިފާންރޯވި ގެ- ފޮޓޯ: އެމްއެންޑީއެފް

ސޯޝަލްމީޑިއާގައި ދައުރުވަމުންދާ ވީޑިއޯއިން ފާހަގަވާ ގޮތުގައި މި އަލިފާންގަނޑު ވަރަށް ބޮޑަށް ރޯވެގެން ފެތުރިފައިވާއިރު، އެތަނުގައި އޮތީ ހުސް ކަޅު ދުމެވެ.