އިރާނުގެ ވަރަށް ކާމިޔާބު ހަމަލާއެއް ތެލް އަވީވްއަށް: ދެ ޔަހޫދީއަކު މަރާލައިިފި

އިރާނުން މިރޭ އިޒްރޭލުގެ ތެލްއަވީވްއަށް ދިން ވަރުގަދަ ރޮކެޓު ހަމަލާއެއްގަްއި ދެ ޔަހޫދީއަކު މަރާލައިފި އެވެ.

އިޒްރޭލުގެ ރިޕޯޓުތައް ބުނާގޮތުގައި އިރާނުގެ ވަރުގަދަ ހަމަލާތަކެއް މިރޭ އަމާޒުވެފައިވަނީ އިޒްރޭލުގެ ރަމަތު ގަންއަށެވެ. މި ހަމަލާގައި އެސަރަހައްދަށް ބޮޑެތި ގެއްލުންތަކެއް ވެފައިވާކަންވެސް ދަނީ ރިޕޯޓުކުރަމުންނެވެ.

މި ހަމަލާގައި ލިބުނު ގެއްލުންތަކުގެ މަންޒަރުތައް މިހާރު އިޒްރޭލުގެ މީޑިއާތަކުން ދަނީ އާންމުކުރަމުންނެވެ.

އިޒްރޭލުގެ އެމްބިއުލާންސް ސާވިސް އާއި ހަވާލާދީ އަލްޖަޒީރާއިން ރިޕޯޓުކުރާ ގޮތުގައި މި ހަމަލާގައި މިހާތަނަށް ދެ ޔަހޫދީއަކު ވަނީ މަރުވެފައި އެވެ. އެގޮތުން މަރުވީ އަންހެނަކާއި ފިރިހެނެއް ކަން މިހާރު ވަނީ ކަށަވަރުވެފައި އެވެ.

އިރާނުގެ މި ކާމިޔާބު ހަމަލާގެ އެއް އަމާޒަކީ އިޒްރޭލުގެ މައި ރޭލު ސްޓޭޝަނެވެ. މި ސްޓޭޝަނަށް ހަމަލާ އަމާޒުވުމާއި ގުޅިގެން ތެލް އަވީވްގެ ރޭލު ނިޒާމު މިހާރު ވަނީ އެއްކޮށްހެން ހުއްޓުމަކަށް އައިސްފައި އެވެ.