.gif&w=3840&q=75)
އިރާނުގެ އައު ސުޕްރީމް ލީޑަރު ކަނޑައެޅުން ފަހު މަރުހަލާގައި: މިރޭ ނުވަތަ މާދަމާ އިސް ލީޑަރު އިއުލާނުކުރާނެ!
# އިރާން
އިސްރާއީލާއި އެމެރިކާގެ ހަމަލާއެއްގައި އިރާނުގެ އިސް ލީޑަރު އާޔަތުالله އަލީ ޚާމަނާއި އަވަހާރަކޮށްލުމާއި ގުޅިގެން އައު ލީޑަރަކު ކަނޑައެޅުމުގެ މަސައްކަތް ފަހު މަރުހަލާއަށް ގޮސްފައިވާކަމަށް އިރާނުގެ މީޑިއާތަކުން ރިޕޯޓުކޮށްފި އެވެ.
އީރާނުގެ ދައުލަތުގެ މީޑިއާއެއް ކަމަށްވާ ފާރސް ނިއުސް އެޖެންސީން ރިޕޯޓުކުރާ ގޮތުގައި އެގައުމުގެ ދެން އަންނަ ސުޕްރީމް ލީޑަރު ހޮވުމުގެ މަސައްކަތް ހަވާލުކޮށްފައިވާ އީރާނުގެ އެސެމްބްލީ އޮފް އެކްސްޕާޓްސްގެ ބައްދަލުވުންތައް ވާޗުއަލްކޮށް ދަނީ ކުރަމުންނެވެ.
ފާރސް އިން ރިޕޯޓުކޮށްފައިވާ ގޮތުގައި އެގައުމުގެ 88 އިސް ދީނީ އިލްމުވެރިން އެސެމްބްލީ އޮފް އެކްސްޕާޓްސްއިން އާ ސުޕްރީމް ލީޑަރަކު ހޮވުމުގެ މަސައްކަތް މިހާރު "އެންމެ ފަހު މަރުހަލާ"އަށް ގޮސްފައިވާއިރު ކުރިޔަށް އޮތް 24 ގަޑިއިރުގެ ތެރޭގައި އައު ލީޑަރަކަށް ކަނޑައަޅާނެ ފަރާތެއް ރަސްމީކޮށް އިއުލާނުކުރާނެ އެވެ.
ހޮނިހިރު ދުވަހު އެމެރިކާއާއި އިސްރާއީލުން އިރާނަށް ދިން ބޮޑު ހަމަލާއެއްގައި ޚާމަނާއީ އަވަހާރަކޮށްލާފައިވާއިރު އިރާނުން ދަނީ ބަދަލުހިފުމުގެ ވަރުގަދަ ހަމަލާތަކެއް އިސްރާއީލަށާއި މެދުއިރުމަތީގައި ހުރި އެމެރިކާގެ އަސްކަރީ މަރުކަަޒުތަކަށް އަމާޒުކުރަމުންނެވެ.
ޚާމަނާއީގެ ބަދަލުގައި އާ ލީޑަރަކު އައްޔަންކުރުމުގެ މަސައްކަތް ރަސްމީކޮށް ފެށިކަން އީރާނުން ވަނީ އާދީއްތަ ދުވަހު އިއުލާނުކޮށްފަ އެވެ.
އެގޮތުން އާ ލީޑަރަކަށް އަންނާނެ ކަމަށް ރިޕޯޓުތައް ބުނަނީ ޚާމަނާއީގެ ދެވަނަ ދަރިކަލުން މޮޖްތާބާ ޚާމަނާއީއެވެ.
ގުޅުންހުރި
އިރާނާއި 650 ކިލޯމީޓަރު ދުރުން އިންޑިއާ ކަނޑުގައި އޮތް އެމެރިކާގެ މަނަވަރަކަށް އިރާނުން ހަމަލާދީފި
އިރާނުގެ ކޮންޓްރޯލް ނެގުމަށް އެމެރިކާގެ ސީއައިއޭއިން ކުރުދީ ބާރުތަކަށް ހަތިޔާރު ދިނުމަށް ނިންމައިފި
ހޯމުޒް ކަނޑުއޮޅިން ދަތުރުކުރާ ޓޭންކަރުތައް އެސްކޯޓުކުރަން އެމެރިކާގެ މަނަވަރުތައް ފޮނުވަން ޓްރަމްޕު ނިންމައިފި
އިރާނުގެ އައު ސުޕްރީމް ލީޑަރު ކަނޑައެޅުން ފަހު މަރުހަލާގައި: މިރޭ ނުވަތަ މާދަމާ އިސް ލީޑަރު އިއުލާނުކުރާނެ!
ފަހުގެ
