އިރާނަށް ހަމަލާދޭން އެހީނުވާނެކަން ހާމަކޮށް ސްޕެއިނުގެ ބޮޑުވަޒިރު އަމުރުކުރެއްވީ މޮރޮން އެއާބޭސްގައި އޮތް އެމެރިކާގެ ރީފިއުލިންގ އެއާކްރާފްޓު ވަގުތުން "ބޭރުވާން"!

މެދުއިރުމަތީގައި މިހާރު ހިނގަމުންދާ ހަނގުރާމާގައި އެމެރިކާއާއި އިސްރާއީލުން އިރާނަށް ހަމަލާދިނުމަށްޓަކައި ސްޕެއިންގެ އެއްވެސް އެހީތެރިކަމެއް ނުލިބޭނެކަމަށާއި އެފަދަ ކަމެއް ނުކުރުމަށް ސްޕެއިނުން އެމެރިކާއަށް އިންޒާރު ދީފި އެވެ.

ސްޕެއިންގެ ނޫސްތަކުން ރިޕޯޓުކުރާ ގޮތުގައި އިރާނަށް ހަމަލާދޭން ސްޕެއިނުން އެހީނުވާނެކަން ރަސްމީކޮށް އިއުލާނުކުރެއްވީ ސްޕެއިންގެ ބޮޑުވަޒިރު ޕެޑްރޯ ސަންޗޭޒް ޕެރޭޒް-ކަސްޓެޖޯން އެވެ.

އެގޮތުން ބޮޑުވަޒީރު ޕެޑްރޯ ވަނީ ހޮނިހިރު ދުވަހު އީރާނަށް އެމެރިކާ އާއި އިސްރާއީލުން ދިން ހަމަލާތަކަކީ ބައިނަލްއަގްވާމީ ގާނޫނުތަކުގެ ބޭރުން ދިން "ނުހައްގު" އަދި "ނުރައްކާތެރި އަސްކަރީ ހަމަނުޖެހެމުއް" ކަމަށް ވިދާޅުވެ އެމެރިކާގެ މި އަމަލު ހަރުކަށި އިބާރާތުން ކުށްވެރިކޮށްފައެވެ. އަދި އޭނާ ވަނީ އިރާނަށް އެއްވެސް ހަމަލާއެއް ދިނުމަށް އެގައުމުން އެހީނުވާނެ ކަމަށާއި އެފަދަ ކަމަކަށް އެގައުމުގައި ހުރި އެމެރިކާ ސިފައިން ގާއިމްވެ ތިބޭ އަސްކަރީ ބޭސްއެއް ބޭނުން ކުރުމުގެ ހުއްދަ ނުދެވޭނެ ކަންވެސް ހާމަކުރައްވާފައި އެވެ.

"އެގްރީމަންޓުން ބޭރުން ނުވަތަ އދ.އާ ނުގުޅޭ އެއްވެސް ކަމަކަށް ސްޕެއިން ސަރުކާރުން އެ ބޭސްތައް ބޭނުން ކުރުމުގެ ހުއްދައެއް ނުދޭނެ،" ސްޕެއިންގައި އެމެރިކާ ސިފައިން ގާއިމުވެ ތިބޭ ރޯޓާ ނޭވަލް ބޭސް އާއި މޮރޮން އެއާބޭސް އަށް އިޝާރާތް ކުރައްވައި ބޮޑުވަޒީރު ވިދާޅުވި އެވެ.

އެގޮތުން މޮރޮން އެއާބޭސްގައި އެވަގުތު އޮތް އެމެރިކާގެ އަސްކަރީ ރީފިއުލިންގ ބޯޓު އެބޭސް ދޫކޮށް ވަގުތުން ފުރުމަށް ބޮޑުވަޒީރު އަމުރުކުރެއްވި އެވެ.