އިރާނުގެ ވަގުތީ ދިފާއީ ވަޒީރަށް އައިއާރްޖީސީގެ ޖެނެރަލް މާޖިދު!

އިރާނުގެ ވަގުތީ ދިފާއީ ވަޒީރަށް އިސްލާމިކް ރިޕަބްލިކް ރިވޮލިއުޝަނަރީ ގާޑްސްގެ އިސް ޖެނެރަލަކު އައްޔަނުކޮށްފި އެވެ.

އިރާނުގެ ސަރުކާރުން މިއަދު ބުނީ ރިވޮލިއުޝަނަރީ ގާޑްސްގެ ޖެނެރަލް މާޖިދު އެބްނެލްރޭޒާ އެގައުމުގެ ވަގުތީ ދިފާއީ ވަޒީރެއްގެ ގޮތުގައި އެގައުމުގެ ރައީސް ދާދި ދެންމެ އަކު އައްޔަނޮށްފައިވާ ކަމަށެވެ،.

"ރައީސް މަސްއޫދު ޕެޒެޝްކިއަންގެ އަމުރަށް ރިވޮލިއުޝަނަރީ ގާޑްސްގެ ޖެނެރަލް މާޖިދު އެބްނެލްރޭޒާ ވަނީ އެކްޓިން ޑިފެންސް މިނިސްޓަރު ކަމަށް އައްޔަން ކުރައްވާފައި،" ރިޔާސީ މުވާސަލާތީ ދާއިރާގެ ޑެޕިއުޓީ މެހްދީ ތަބަތަބޭއީ އެކްސްގައި ވިދާޅުވި އެވެ.

އިރާނަށް ވަގުތީ ދިފާއީ ވަޒީރަކު އައްޔަނުކޮށްފައިމިވަނީ އިސްރާއީލާއި އެމެރިކާއިން އެގައުމަށް ދިން ވަރުގަދަ ހަމަލާތަކުގައި އެގައުމުގެ ދިފާއި ވަޒީރު އަމީރު ނާސިރުޒާދާ އަވަހާރަކޮށްލުމާއި ގުޅިގެންނެވެ. އެގޮތުން އަމީރު ނާސިރުޒާދާ އަވަހާރަކޮށްލާފައިވަނީ މިދިޔަ ހޮނިހިރު ދުވަހު ހަމަލާތައް ފެށުމުގެ ގޮތުން ދިން ފުރަތަމަ ހަމަލާގައި އެވެ.

ދިފާއީ ވަޒިރު އަމީރު ނާސިރުޒާދާގެ އިތުރުން އިސްރާއީލާއި އެމެރިކާގެ ހަމަލާގައި ރިވޮލިއުޝަނަރީ ގާޑްސްގެ ކޮމާންޑަރު މުހައްމަދު ޕަކްޕޫރުވެސް ވަނީ އަވަހާރަވެފައި އެވެ.