ސައުދީގެ މައި ތެޔޮ ކުންފުނީގެ ފެސިލިޓީއަކަށް އިރާނުން ޑްރޯން ހަމަލާއެއްދީފި: މުޅި ފެސިލިޓީ ރޯވެ އަނދަނީ

ސައުދީ އަރަބިއްޔާގެ މައި ތެޔޮ ކުންފުނި، އަރަމްކޯގެ ފެސިލިޓީއަކަށް އިރާނުން ޑްރޯން ހަމަލާއެއް ދީފި އެވެ.

ކަށަވަރުކުރެވިފައިވާ ރިޕޯޓުތައް ބުނާގޮތުގައި އީރާނުން ވަނީ ސައުދީ އަރަބިއްޔާގެ ރަސް ތަނޫރާގައި ހުންނަ އެގައުމުގެ މުހިންމު ހަކަތަ މަރުކަޒަކަށް ވަރުގަދަ ޑްރޯން ހަމަލާއެއް ދީފައި އެވެ.

އެގޮތުން މި ހަމަލާދޭން ބޭނުންކޮށްފައިވަނީ އިރާނު އުފައްދާފައިވާ އެގައުމުގެ އެންމެ ވަރުގަދަ ޑްރީން ޝަހީދު-136 ޑްރޯންއެވެ.

މި ހަމަލާ އަމާޒުވި މަރުކަޒަކީ ސައުދީ އަރަބިއްޔާގެ މައި ތެޔޮ ކުންުފުނި ކަމަށްވާ އަރަމްކޯގެ ތެޔޮ ސާފުކުރާ ފެސިލިޓީއެކެވެ.

ސައުދީ އަރަބިއްޔާގެ އިރުމަތީ ޕްރޮވިންސްގައި ހުންނަ ރާސް ތަނޫރާއިން ހިންގާ ސައުދީ އަރަމްކޯ ފެސިލިޓީއަކީ ދުނިޔޭގެ އެންމެ ބޮޑު އަދި އެންމެ މުހިންމު އެއް ތެޔޮ އެކްސްޕޯޓް ޓާމިނަލެވެ. މި ފެސިލިޓީއަކީ ސާފުނުކުރާ ތެޔޮ އުފެއްދުމާއި ސާފުކުރުމުގެ އޮޕަރޭޝަންތަކުގައި ވެސް މުހިންމު ފެސިލިޓީއެއް ކަމަށްވާއިރު، ރިޕޯޓްތައް ބުނާ ގޮތުގައި މި ފެސިލިޓީގެ އެއް ރިފައިނަރީއިން ދުވާލަކު 550،000 ފީފާއަށް ވުރެ ގިނަ ތެޔޮ ޕްރޮސެސް ކުރެއެވެ.

ރިފައިނަރީއާއި ގުޅިފައިވާ އެކްސްޕޯޓް ޓާމިނަލުން ބައިނަލްއަގްވާމީ މާކެޓްތަކަށް އެތައް މިލިއަން ފީފާއެއް ލޯޑް ހަފްތާއަކަށް ލޯޑުކުރާއިރު ދުނިޔޭގެ ހަކަތަ ފޯރުކޮށްދިނުމުގެ މުހިއްމު ޕޯޓަކަށް މިތަން ވަނީ ވެފައި އެވެ.

ސައުދީގެ އެންމެ މުހިންމު އެއް ތެޔޮ ފެސިލިޓީއެއް ކަމުން ރާސް ތަނޫރާ އަކީ ވަރަށް ބޮޑަށް ސަލާމަތީ ކަންކަން ވަރުގަދަކޮށްފައި އޮންނަ ފެސިލިޓީއެކެވެ. ސްޓްރެޓެޖިކް ގޮތުން ބަލާއިރު، އޭޝިއާ، ޔޫރަޕް، އަދި އެމެރިކާގެ ބޮޑެތި މާކެޓްތަކަށް ސާފުނުކުރާ ތެޔޮ ފޯރުކޮށްދިނުމަށް މި ޓާމިނަލަކީ ކޮންމެހެން ބޭނުންތެރި މުހިންމު ތަނެއްގެ ގޮތުގައި ސައުދީން ދެކޭއިރު ، މިއަދުގެ ހަމަލާގެ ސަބަބުން ފެސިލިޓީގެ މަސައްކަތް ހުއްޓި ޑިސްޓްރިބިއުޝަނަށް ބުރޫ އަރައި ތެލުގެ އގު ދުނިޔޭގެ މާކެޓްތަކުގައި ބޮޑުވެދާނެ ކަމަށް ރިޕޯޓުތައް ބުނެއެވެ.