އައްސޭރި ޖަލުގެ ޤައިދީންނާއި އޮފިސަރުންނަށް ކެންސަރ ސްކްރީނިންގ ޕްރޮގްރާމެއް ހިންގައިފި

އައްސޭރި ޖަލުގެ ޤައިދީންނާއި އޮފިސަރުންނަށް ކެންސަރ ސްކްރީނިންގ ޕްރޮގްރާމެއް ހިންގައިފި އެވެ.

ކަރެކްޝަނަލް ސާވިސްއިން މިއަދު ބުނީ ކަރެކްޝަންސް އިން ހުޅުމާލެ ހޮސްޕިޓަލާއި ކެއަރ ސޮސައިޓީ އާ ގުޅިގެން، އައްސޭރި ޖަލުގެ ޤައިދީންނާއި އޮފިސަރުންނަށް ކެންސަރ ސްކްރީނިންގ ޕްރޮގްރާމެއް އިއްޔެ ހިންގާފައިވާ ކަމަށެވެ.

މި "ކެންސަރ ސްކްރީނިންގ ޕްރޮގްރާމް" މެދުވެރިކޮށް 120 ޤައިދީންނާއި 18 އޮފިސަރުން ވަނީ ކެންސަރު ބައްޔަށް ސްކްރީންކޮށްފައިވާއިރު ގައިދީންނާއި އޮފިސަރުންނަށް މައުލޫމާތު ދިނުމުގެ ސެޝަނެއްވެސް ވަނީ ކުރިޔަށް ގެންގޮސްފައި އެވެ.

ކަރެކްޝަންސްއިން ވަނީ ހުޅުމާލެ ހޮސްޕިޓަލާއި ކެއަރ ސޮސައިޓީގެ މެނޭޖްމަންޓަށާއި މުވައްޒަފުންނަށް ޝުކުރުއަދާކޮށްފައެވެ.