ހުޅުމާލޭގައި އިމާރާތްކުރި ޝަހީދު އަލީ ސްކޫލް މިއަދު ހުޅުވައިފި

ހުޅުމާލޭ ދެވަނަ ފިޔަވަހީގައި އިމާރާތްކުރި ޒަމާނީ ސްކޫލް "ޝަހީދު އަލީ ސްކޫލް" މިއަދު ހުޅުވައިފި އެވެ.

ދިރާސީ އައު އަހަރު ފެށުމާ ދިމާކޮށް މިއަދު ބޭއްވުނު ހާއްސަ ރަސްމިއްޔާތެއްގައި މި ސްކޫލް ހުޅުވައިދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެވެ.

މި ސްކޫލަކީ ޖާގަ ތަނަވަސް އަދި ޒަމާނީ ފެންވަރަށް ތަރައްގީކޮށްފައިވާ ސްކޫލެކެވެ. މިއަދު މި ސްކޫލުގެ ކިޔެވުން ފެށީ 1950 ދަރިވަނުންނާ އެކުގައެވެ. އަދި ގްރޭޑް 1-10 އަށް ކިޔަވައިދޭ މިސްކޫލުގައި 226 އެއްހާ މުވައްޒަފުން މަސައްކަތް ކުރާނެ އެވެ.

މާލެ ސަރަޙައްދުގެ ސްކޫލުތަކުގެ ޖާގައިގެ ދަތިކަން ހައްލުކުރުމުގެ ގޮތުން ހުޅުމާލެ ދެވަނަ ފިޔަވަހީގައި ބިނާކުރާ މި ސްކޫލަކީ އޭސީކޮށްފައިވާ 54 ކްލާސްރޫމާއި، މަލްޓިޕާޕަސް ހޯލަކާއި، ޒަމާނީ ވަސީލަތްތަކުގެ އިތުރުން ޓާފް ދަނޑެއް އެކުލެވޭގޮތަށް ޢިމާރާތް ކުރެވޭ ސްކޫލެކެވެ.

ޝަހީދު ޢަލީ ސްކޫލުގެ މަސައްކަތް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފަށްޓަވައިދެއްވީ 2023 ވަނަ އަހަރުގެ ޑިސެންބަރު މަހުގައެވެ. މި މަސައްކަތް 2 އަހަރު ދުވަސްތެރޭ ނިންމާލީ އާރުސީސީ އާ ހަވާލުކޮށްގެންނެވެ.