އެޗްޑީސީގެ ބްލަޑް ޑޮނޭޝަން ކޭމްޕު ފެށިގެން ކުރިޔަށް!

ހައުސިންގ ޑިވެލޮޕްމެންޓު ކޯޕަރޭޝަނުން އިސްނަގައިގެން އެކުންފުނީގެ މުވައްޒަފުންގެ ފަރާތުން، ބްލަޑް ބޭންކަށް ލޭ ހަދިޔާކުރުމުގެ ހަރަކާތެއް ފަށައިފި އެވެ.

އެޗްޑީސީން މައުލޫމާތު ދޭގޮތުގައި މި ހަރަކާތަކީ 'ބްލަޑް ބޭންކް'އިން ލޭ ހުސްވާން ގާތްވެފައިވާތީ ކުރިޔަށްގެންދާ ޚާއްސަ ހަރަކާތެކެވެ.

އެގޮތުން، ލޭ ހަދިޔާކުރުމަށް އެޗްޑީސީއާއި މޯލްޑިވިއަން ބްލަޑް ސާވިސް (އެމްބީއެސް) ގުޅިގެން ބްލަޑް ޑޮނޭޝަން ކޭމްޕެއް ފެށީ މިއަދު ހެނދުނު އެވެ.

މިއީ، ރާއްޖޭގެ ބަލްޑް ބޭންކުން ވަރަށް ބޮޑަށް ލޭ މަދުވެ، ވީހާވެސް އަވަހަކަށް ލޭ ހަދިޔާކުރުމަށް އެމްބީއެސް އިން ކުރި އިއުލާނާ ގުޅިގެން ކުރިއަށްގެންދާ ޑޮނޭޝަން ކޭމްޕެކެވެ.

މި ކޭމްޕުގެ މަގްސަދަކީ ބްލަޑް ބޭންކުން މި ދަނޑިވަޅުގައި ލޭ މަދުވެފައިވާތީ، އެކަމަށް ހައްލު ހޯދައިދިނުމަށް އެޗްޑީސީ ސްޓާފުންގެ ފަރާތުން އެހީތެރިވުމެވެ.