ސަރުކާރާ އިދިކީލަ ބަޔަކު ހޮވިއްޖެނަމަ ވާނެ ގޮތް ރައްޔިތުންނަށް މިހާރު އެނގޭނެ: މުހައްމަދު

ސަރުކާރާ އިދިކީލި ބޭފުޅުންތަކެއް ކައުންސިލްތަކައް ހޮވިއްޖެނަމަ ވެގެންދާނެ ގޮތް ރައްޔިތުންނަށް މިހާރު އޮޅިފައެއް ނުވާނެ ކަމަށް ޕީއެންސީގެ ޕީޖީ ގްރޫޕުގެ ޑެޕިއުޓީ ލީޑަރ މުހައްމަދު އިސްމާޢީލް ވިދާޅުވެއްޖެއެވެ.

މުހައްމަދު އިސްމާޢީލް މިފަދައިން ވިދާޅުވީ އެމަނިކުފާނުގެ ރަސްމީ ފޭސްބުކް އެކައުންޓުގައި ހިއްސާކުރެއްވި ޕޯސްޓެއްގައެވެ.

މުހައްމަދު އިސްމާޢީލް ކުރެއްވި ޕޯސްޓުގައި ވަނީ ދިވެހިރާއްޖޭގެ މިއަދުގެ ރައީސުލްޖުމްހޫރިއްޔާ އަދި ޕީއެންސީގެ ރައީސް ،ރައީސް ޑޮކްޓަރ މުއިއްޒުގެ ޕާޓީން ލޯކަލް ކައުންސިލް އިންތިހާބުގަ ވާދަ ކުރާ ކެންޑިޑޭޓުންނާ ޑަބްލިއުޑީސީއަށް ވާދަކުރާ ކެންޑިޑޭޓުންނާ އަދި ސިޓީތަކުގެ މޭޔަރުންނާ ސިޓީތަކުގެ ޑަބްލިއުޑީސީގެ ރައީސާއިންގެ ކެންޑިޑޭޓުންނަށް ދިވެހިރާއްޖޭގެ ލޮބުވެތި އެންމެހާ ރައްޔިތުން ވޯޓުދީ ހޮއްވަވައި ދެއްވަންޖޭ ގިނަ ސަބަބުތަކެއް އެބަހުރި ކަމަށެވެ.

އެގޮތުން ރައްޔިތުން ބޭނުންވާ މަގައް ރައްޔިތުންގެ ގާތުން ޚިދުމަތް ދިނުމާއެކު ތަރައްގީގެ އެންމެހާ މަސްރޫއުތައް ހިންގުމައް އުފެދިގެންދާ ގާނޫނީ ގޮތުން ބޮޑެތި ބާރުތަކެއް ކައުންސިލްތަކައް ލިބިގެންދާނެ ކަމަށް ޕޯސްޓުގައިވެއެވެ.

އަދި ސަރުކާރާ އިދިކީލި ބޭފުޅުންތަކެއް ކައުންސިލްތަކަށް ހޮވިއްޖެނަމަ ވެގެންދާނެ ގޮތް ރައްޔިތުންނަށް މިހާރު އޮޅިފަ ނުވާނެކަން ފާހަގަކުރައްވާ މުހައްމަދު ވިދާޅުވީ ޑިމޮކްރަސީގެ ހަޔާތުގަ ފާއިތުވެދިޔަ ވެރިކަންތަކާ އިދިކީލި ނުވަތަ ވެރިކަންކުރާ ޕާޓީޔާ ދެކޮޅު ކައުންސިލްތަކުން ރައްޔިތުންނާ ގާތުން ހިދުމަތް ދިނުމަށް ވުރެން އިސްކަން ދީފަ ހުރީ އޭރެއްގެ އޮންނަ ސަރުކާރަކަށް ކަނޑައެޅިގެން ސިއްރާ ފާޅުގަ ޖެއްސުން ކުރުމުގައި ކަމަށެވެ.

އެކައުންސިލްގެ މެޖޯރިޓީ އޮންނަ ޕާޓީން އަންގާ ގޮތެއްގެ މަތިން ކަންކަން ނިންމާކަންވެސް މުހައްމަދު ކުރި ޕޯސްޓުގައިވެއެވެ.

އެހެންކަމުން މިފަދަ ކަންކަން ކުރާނެ ކަމުގެ ބިރުވެރި ރަނގަބީލްގެ އަޑުފައްގަނޑު ގަދަވެ ގުގުމަމުންދާތީ އެފަދަ ކަންކަން ތަކުރާރުވެދާނެތީ މުހައްމަދު އިސްމާޢީލް ވަނީ ރައްޔިތުންގެ އަރިހުން ޕީއެންސީއަށް ތާއީދުކުރާ މެމްބަރުން އިންތިޚާބު ކުރުމަށް އެދިވަޑައިގެންފައެވެ.

އަދި މިކަމަކީ ރައްޔިތުންގެ ބާރުވެރިކަމާ ތަރައްގީ އަވަސްވެ ހަލުވިވެގެންދާނެ އެންމެ މޮޅޮގޮތް ކަަމަށްވެސް މުހައްމަދު ވިދާޅުވިއެވެ.

ކޮންގްރެސް ޕާޓީގެ ޓިކެޓުގައި ވާދަކުރާ މާލެ ސިޓީގެ ކެންޑިޑޭޓުން، ދޮރުން ދޮރަށް ހަރަކާތްވެސް މިހާރު ރަސްމީކޮށް ފަށާ މާލޭގެ އަވަށްތަކުގައި ކެމްޕެއިންގެ އެކި ހަރަކާތްތައް އަންނަނީ ބާއްވަމުންނެވެ.