ތިނަދޫ ސިޓީ އާބާދީ މައިޒާނުގެ އިމާރާތުގައި އަލިފާނުގެ ހާދިސާއެއް!

ތިނަދޫ ސިޓީ އާބާދީ މައިޒާނުގެ އިމާރާތުގައި އަލިފާނުގެ ހާދިސާއެއް ހިނގައިފި އެވެ.

މި ހާދިސާއާއި ގުޅިގެން ތިނަދޫ ކައުންސިލުން ބުނީ މި ހާދިސާ ހިނގާފައިވަނީ ކަރަންޓްސޯޓެއްވެ ކަރަންޓް ބޯޑުގައި އަލިފާން ރޯވެގެން ކަމަށެވެ.

އެގޮތުން ފަޔަރ އެންޑް ރެސްކިއުގެ އެހީތެރިކަމާއެކު އަލިފާން ނިއްވާލާފައިވާކަމަށް ކައުންސިލުން ވަނީ ބުނެފައި އެވެ.

މިހާދިސާއާއި ގުޅިގެން އަދި މިހާތަނަށް ސިފައިންގެ ބަހެއް ލިބިފައި ނުވެއެވެ. ނަމަވެސް މިހާދިސާގައި އާބާދީ މައިޒާނުގެ އިމާރާތަށް ކޮންމެވެސް ވަރެއްގެ ގެއްލުންތަކެއް ލިބިފައިވާކަމަށް މައުލޫމާތު ލިބެއެވެ.