ގްލޯބަލް ސުމޫދް ފްލޮޓީލާގެ ބޯޓުތަކާއި ކުރިމަތިލާން ޔަހޫދީ އަސްކަރިއްޔާގެ މަނަވަރުތައް ގާތްވަނީ

ގްލޯބަލް ސުމޫދް ފްލޮޓީލާގެ ބޯޓުތަކާއި ކުރިމަތިލާން ޔަހޫދީ އަސްކަރިއްޔާގެ މަނަވަރުތައް ގާތްވަމުން އަންނަ ކަމަށް ފްލޮޓީލާގައި ބައިވެރިވަމުން އަންނަ ފްރާންސަށް ނިސްބަތްވާ ޔޫރަޕްގެ ޕާލަމެންޓްގެ މެންބަރު ރީމާ ހަސަން ދާދި ދެންމެ އަކު ހާމަކޮށްފި އެވެ.

އެމްއީޕީ ރީމާ ހަސަން ދާދި ދެންމެ އަކު އެކްސްގައި ކުރި ޕޯސްޓެއްގައި ބުނީ އިސްރާއީލުގެ ކަނޑުގެ ސިފައިންގެ ބޯޓުތައް ސުމޫދު ފްލޮޓިލާއާއި ކުރިމަތިލުމަށްޓަކައި މިހާރު ކައިރިވަމުންދާ ކަމަށެވެ. އެގޮތުން ޔަހޫދީގެ ކަނޑުގެ ސިފައިންގެ ގިނަ ބޯޓުތަކެއް އަންނަ ކަމުގެ މައުލޫމާތު މިހާރު ލިބިފައިވާ ކަން އޭނާ ހާމަކުރިއެވެ.

ރީމާ މިކަން ހާމަކުރި އިރު އިސްރާއީލުގެ ޕަބްލިކް ބްރޯޑްކާސްޓަރު ކާން އިން ދަނީ ގްލޯބަލް ސުމޫދު ފްލޮޓިލާގެ "ކޮންޓްރޯލް" ނަގަން، ޔަހޫދީންގެ ނޭވީ ކޮމާންޑޯތަކުގެ އިތުރުން އިސްރާއީލުގެ ނޭވީގެ ގިނަ އުޅަނދުތަކެއް ބައިވެރިވާ ޚާއްސަ އޮޕަރޭޝަނެއް ފެށުމަށް ހަމަޖެހިފައިވާކަން ރިޕޯޓުކުރަމުންނެވެ. އެޮގޮތުން ޔަހޫދީ ސަރުކާރުން ކަނޑައަޅާފައިވާ ޚާއްސަ ޕްލޭންގައިވާ ގޮތުގެ މަތީން މި ހަރަކާތުގައި ބައިވެރިވި ހުރިހާ އެކްޓިވިސްޓުން ނޭވީގެ ބެލުމުގެ ދަށަށް ގެންގޮސް އަޝްދޯދު ބަނދަރަށް ގެންދާނެ ކަމަށާއި އަދި ގާނޫނީ ގޮތުން އަޅަންޖެހޭ ފިޔަވަޅުތައް އެޅުމަށްފަހު އެކްޓިވިސްޓުން ޑީޕޯޓުކުރަން ނިންމާފައިވާކަންވެސް ކާން އިން ވަނީ ރިޕޯޓުކޮށްފައެވެ.

މީގެ އިތުރުން މި ހަރަކާތުގައި ބައިވެރިވަމުން އަންނަ އުޅަނދުތަކާއި ދެކޮޅަށްވެސް ހަރުކަށި ފިޔަވަޅުތަކެއް އަޅަން ޔަހޫދީން ވަނީ ނިންމާފައި އެވެ. އެގޮތުން ބައެއް އުޅަނދުތައް ޓޯވްކުރުމަށް ނިންމާފައިވާއިރު ބައެއް އުޅަނދުތަކަށް ހަމަލާދީ ފައްތާލަން ނިންމާފައިވާކަމަށްވެސް ކާންއިން ދަނީ ރިޕޯޓުކުރަމުންނެވެ.

އިތުރު ތަފްސީލް އަންނަނީ ..