ބޮޑުފޮޅުދޫގައި ހޭންޑްބޯޅަ ކޯޓުގެ އަމަލީ މަސައްކަތް ފަށައިފި

އއ. ބޮޑުފޮޅުދޫގައި ހޭންޑްބޯޅަ ކޯޓެއް ތަރައްޤީކުރުމުގެ އަމަލީ މަސައްކަތް މިއަދު ފަށައިފި އެވެ.

މި މަޝްރޫއުގެ މަސައްކަތް ރަސްމީކޮށް ފަށާފައިވަނީ މިހާރު ރައީސް ޑރ މުހައްމަދު މުއިއްޒު އއ އަތޮޅަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން މިއަދު އެރަށަށް ވަޑައިގެންނެވުމާއި އެކުގައި އެވެ.

މި މަޝްރޫއުގެ އަމަލީ މަސައްކަތް ފައްޓަވައިދެއްވީ ކުޅިވަރާއި ބެހޭ ވަޒީރު އަބްދުالله ރާފިއު އާއި އެމްޓީސީސީގެ އެމްޑީގެ އިތުރުން މަތިވެރި ދާއިރާގެ މެމްބަރާއި ބޮޑުފުޅަދޫ ކައުންސިލްގެ ރައީސްެވެ.

މި މަޝްރޫއުއަކީ ސަރުކާރުން އެމްޓީސީސީއާއި ހަވާލުކޮށްގެންކުރިޔަށް ގެންދާ މަޝްރޫއެކެވެ. މި މަޝްރޫއު އެމްޓީސީސީއާއި ހަވާލުކުރީ އިއްުޔެ އެވެ.

ރާއްޖޭގެ ގިނަ ރަށްތަކެއްގައި ހޭންޑްބޯޅަ ކޯޓު ތަރައްޤީކުރުމަށް ގައުމީ މަޝްރޫއުއެއް ކުރިޔަށް ގެންދިޔުމަށް ރައީސް މުއިއްޒު ވަނީ ނިންމަވާފައިއެވެ.