އިފްހާމްގެ ހަތަރު ލަނޑާއެކު ގުޅުން ކަންމަތިން އައްކަން ކޮޅަށް 12 ލަނޑުޖަހައިފި
# ކުޑަހުވަދޫ ކައުންސިލް ފުޓްސަލް މުބާރާތް 2025# ދިވެހި ކުޅިވަރުއައްކަން އެސްސީ އާއި ގުޅުން ކަންމަތި ވާދަކުރި މެޗުގެ ތެރެއިން.. ފޮޓޯ: ކުޑަހުވަދޫ ކައުންސިލް
މިހާރު ކުރިއަށްދާ "ކުޑަހުވަދޫ ކައުންސިލް ފުޓްސަލް މުބާރާތް 2025" ގެ ފިރިހެން ޑިވިޝަން ގުރޫޕް ދޭއްގައި ރޭ 12-2 ގެ ތަފާތުބޮޑު ނަތީޖާއަކުން އައްކަން ބަލިކޮށް ގުޅުން ކަންމަތިން މުބާރާތުގެ ސެމީފައިނަލްގެ ޖާގައެއް ކަށަވަރުކޮށްފިއެވެ.

މުބާރާތުގައި އައްކަން ކުޅުނު ފުރަތަމަ މެޗުގައި ރުއްދަށް ސްޕޯޓްސް ކުލަބު (އާރުއެސްސީ) އަތުން 6-1 ގެ ނަތީޖާއަކުން ބަލިވިއިރު، ދެވަނަ މެޗުގައި ގުޅުނު ކަންމަތި އަތުން އެޓީމު ބަލިވީ 15-1 ގެ ތަފާތުބޮޑު ނަތީޖާއަކުންނެވެ.އަދި އެޓީމުގެ ތިންވަނަ މެޗުގައި އާރުއެސްސީ އަތުން ބަލިވީ 2-0 ގެ ނަތީޖާއަކުންނެވެ.
މުބާރާތުގައި ގުޅުން ކަންމަތިން ކުޅުނު ފުރަތަމަ މެޗުގައި 15-1 ގެ ތަފާތު ބޮޑު ނަތީޖާއަކުން އައްކަން އެސްސީ އަތުން މޮޅުވިއިރު، ދެވަނަ މެޗުގައި އާރުއެސްސީ އަތުން އެޓީމު މޮޅުވީ 3-1 ގެ ނަތީޖާއަކުންނެވެ.
މުޅި މެޗުގައި ވެސް މޮޅަށްކުޅެ ގުޅުން ކަންމަތިން މެޗު ޑޮމިނޭޓްކުރިއިރު ފުރަތަމަ ހާފުގެ ކުޅުން ނިމިގެންދިޔައި ހަތަރު ލަނޑުގެ ލީޑަކާއެކު 5-1 ގެ ނަތީޖާއަކުން ގުޅުން ކަންމަތި ކުރީގައި އޮވެގެންނެވެ. އަދި ދެވަނަ ހާފުގައި ގުޅުން ކަންމަތިން އިތުރު ހަތްލަނޑު ކާމިޔާބުކުރިއިރު، މިހާފުގައި އައްކަން ވެސް ވަނީ އިތުރު އެއްލަނޑު ކާމިޔާބުކޮށްފައެވެ.
އެގޮތުން މިމެޗުގައި ގުޅުން ކަންމަތީގެ ހުސެއިން އިފްހާމް ހަތަރު ލަނޑު ކާމިޔާބުކުރިއިރު، އެޓީމުގެ އަހުމަދު އާޖިލް މުހައްމަދު ފައްޔާޒު ވަނީ ތިން ލަނޑު ކާމިޔާބުކޮށް ހެޓްރިކް ހަދާފައެވެ. އަދި އެޓީމުގެ އިޝާގް ފަތުހީ، ހުސެއިން ޝާމިހު، ލުޖައިން ހުސެއިން އަދި އިބްރާހިމް ހުޝާމް މިއިން ކޮންމެ ކުޅުންތެރިއަކު ވަނީ މިމެޗުގައި އެއްލަނޑު ކާމިޔާބުކޮށްފައެވެ. އަދި އެޓީމުގެ އަނެއް ލަނޑަކީ އައްކަންގެ ރިޒާން މުހައްމަދު އިބްރާހިމް އަތުން ބައިކޮޅަށް ވަން ލަނޑެކެވެ.
މީގެ އިތުރުން މިމެޗުގައި އައްކަންގެ އިސްމާއިލް ނާއިޝް އިބްރާހިމް އަދި އާން އަހުމަދު މިއިން ކޮންމެ ކުޅުންތެރިއަކު އެއްލަނޑު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ ގުޅުން ކަންމަތީގެ ހުސެއިން އިފްހާމް އެވެ.
މިނަތީޖާއެކު ގުރޫޕް ސްޓޭޖުގައި ކުޅުނު ތިން މެޗުން ވެސް މޮޅުވެ ނުވަ ޕޮއިންޓާއެކު ގުރޫޕްގެ އެއްވަނައިގައި ގުޅުން ކަންމަތި އޮތްއިރު، މިމެޗުން ބަލިވި އައްކަން މުބާރާތް ނިންމާލީ ކުޅުނު ހަތަރު މެޗުން ވެސް ބަލިވެ ޕޮއިންޓެއް ނުލިބި ގުރޫޕްގެ ފުލުގައި އޮވެއެވެ.
8 އޮގަސްޓް 2025 އިން 17 އޮގަސްޓް 2025 ގެ ނިޔަލަށް، ކުރިއަށްދާ މިމުބާރާތުގައި މިއަހަރު ޖުމްލަ ހަ ޓީމަކުން ބައިވެރިވެފައިވާއިރު، މުބާރާތުގެ މެޗުތައް ކުރިއަށް ދަނީ ބައިވެރިވި ހަ ޓީމު ދެގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ.
ޗެންޕިއަން ޓީމަށް 20،000 އަދި ރަނަރަޕް ޓީމަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު މުބާރާތުގެ އޮފިޝަލް މީޑިއާ ޕާޓްނަރަކީ ގާފު ސްޕޯޓްސް އެވެ.
ގުޅުންހުރި

ތަފާތުބޮޑު ނަތީޖާއަކުން ޑްރީމް އެފްސީ ބަލިކޮށް ރުއްދަށް އެސްސީ ފައިނަލުން ޖާގަ ހޯދައިފި

ފަސޭހަކަމާއެކު އެޓޭކް އެޓޭކް އެޓޭކް ބަލިކޮށް ގުޅުން ކަންމަތި ފައިނަލުން ޖާގަ ހޯދައިފި

ޓާފް ކުއީންސް ބަލިކޮށް ލީގު ބުރުގެ އެއްވަނަ މާވަހި ސްޕޯޓްސް ކުލަބުން ކަށަވަރުކޮށްފި
