އެޓޭކް އެޓޭކް އެޓޭކް ބަލިކޮށް ޑްރީމް އެފްސީ އިން ސެމީފައިނަލް ޔަގީންކޮށްފި
# ދިވެހި ކުޅިވަރު # ކުޑަހުވަދޫ ކައުންސިލް ފުޓްސަލް މުބާރާތް 2025އެޓޭކް އެޓޭކް އެޓޭކް އާއި ޑްރީމް އެފްސީ ވާދަކުރި މެޗުގެ ތެރެއިން..ފޮޓޯ: ކުޑަހުވަދޫ ކައުންސިލް
މިހާރު ކުރިއަށްދާ "ކުޑަހުވަދޫ ކައުންސިލް ފުޓްސަލް މުބާރާތް 2025" ގެ ފިރިހެން ޑިވިޝަން ގުރޫޕް ދޭއްގައި ރޭ އެޓޭކް އެޓޭކް އެޓޭކް އާއި ޑްރީމް އެފްސީ ވާދަކުރި މެޗު 6-1 ގެ ނަތީޖާއަކުން ކާމިޔާބުކޮށް ބަކީ އެއްމެޗު އޮއްވައި ޑްރީމް އެފްސީ އިން މުބާރާތުގެ ސެމީފައިނަލުގެ ޖާގައެއް ކަށަވަރުކޮށްފިއެވެ.

މުބާރާތުގެ ގުރޫޕް ސްޓޭޖުގައި އެޓޭކް އެޓޭކް އެޓޭކް ކުޅުނު ފުރަތަމަ މެޗުގައި 5-1 ގެ ނަތީޖާއަކުން ޑްރީމް އެފްސީ އަތުން ބަލިވެފައިވާއިރު، ދެވަނަ މެޗުގައި އެފްސީ ބްރަދާސް އާއި ވާދަކޮށް 1-1 ގެ ނަތީޖާއަކުން ދެޓީމު ވަނީ އެއްވަރުވެފައެވެ. އަދި ޑްރީމް އެފްސީގެ ފުރަތަމަ މެޗުގައި އެޓޭކް އެޓޭކް އެޓޭކް އަތުން 5-1 ގެ ނަތީޖާއަކުން މޮޅުވިއިރު، ދެވަނަ މެޗުގައި އެފްސީ ބްރަދާސް އަތުން މޮޅުވީ 5-2 ގެ ނަތީޖާއަކުންނެވެ.
މެޗުގެ ފުރަތަމަ ހާފުގައި ދެޓީމުގެ ފަރާތުން ވާދަވެރި ކުޅުމެއް ފެނިގެންދިޔައިރު ފުރަތަމަ ހާފުގެ ކުޅުން ނިމިގެންދިޔައީ 2-0 ގެ ނަތީޖާއަކުން ޑްރީމް އެފްސީ ކުރީގައި އޮވެގެންނެވެ. އަދި ދެވަނަ ހާފުގައި ޑްރީމް އެފްސީ އިން ވަނީ އެޓީމުގެ ކުޅުން ރަނގަޅުކޮށް އެޓޭކުތައް އިތުރަށް ވަރުގަދަކޮށްފައެވެ. ނަތީޖާއެއްގެ ގޮތުން މިހާފުގައި އެޓީމުން އިތުރު ހަތަރު ލަނޑު ކާމިޔާބުކުރިއިރު، މިހާފުގައި އެޓޭކް އެޓޭކް އެޓޭކް އިން ވެސް ވަނީ އެއްލަނޑު ކާމިޔާބުކޮށްފައެވެ.
އެގޮތުން މިމެޗުގައި ޑްރީމް އެފްސީގެ އަރީފް މަހުމޫދު އަދި އަބްދުﷲ ޝާފިއު މިއިން ކޮންމެ ކުޅުންތެރިއަކު ދެލަނޑު ކާމިޔާބުކުރިއިރު، އެޓީމުގެ މުހައްމަދު އަރީޝް އަދި އަޔާޒް މުހައްމަދު މިއިން ކޮންމެ ކުޅުންތެރިއަކު ވަނީ މިމެޗުގައި އެއްލަނޑު ކާމިޔާބުކޮށްފައެވެ.
މީގެ އިތުރުން މިމެޗުގައި އެޓޭކް އެޓޭކް އެޓޭކްގެ ހަމައެކަނި ލަނޑު މުހައްމަދު ޝަނީޒް ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ ޑްރީމް އެފްސީގެ އަރީފް މަހުމޫދު އެވެ
މިނަތީޖާއެކު ގުރޫޕް ސްޓޭޖުގައި ކުޅުނު ތިން މެޗުން ވެސް މޮޅުވެ ނުވަ ޕޮއިންޓާއެކު ގުރޫޕްގެ އެއްވަނަ ޓީމުގެ ގޮތުގައި ޑްރީމް އެފްސީ އިން ސެމީފައިނަލްގެ ޖާގައެއް ކަށަވަރުކުރިއިރު، ގުރޫޕް ސްޓޭޖުގައި ކުޅުނު ދެމެޗުން ލިބުނު އެއްޕޮއިންޓާއެކު ލަނޑުގެ ތަފާތުން އެޓޭކް އެޓޭކް އެޓޭކް މިވަގުތު އޮތީ ގުރޫޕްގެ ފުލުގައެވެ.
8 އޮގަސްޓް 2025 އިން 17 އޮގަސްޓް 2025 ގެ ނިޔަލަށް، ކުރިއަށްދާ މިމުބާރާތުގައި މިއަހަރު ޖުމްލަ ހަ ޓީމަކުން ބައިވެރިވެފައިވާއިރު، މުބާރާތުގެ މެޗުތައް ކުރިއަށް ދަނީ ބައިވެރިވި ހަ ޓީމު ދެގުރޫޕަކަށް ބަހާލައިގެންނެވެ. އަދި ކޮންމެ ގުރޫޕަކުން ވެސް އެންމެ ރަނގަޅު ނަތީޖާއެއް ހޯދާ ދެޓީމު ސެމީފައިނަލަށް ހޮވޭގޮތަށެވެ.
ޗެންޕިއަން ޓީމަށް 20،000 އަދި ރަނަރަޕް ޓީމަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާއިރު މުބާރާތުގެ އޮފިޝަލް މީޑިއާ ޕާޓްނަރަކީ ގާފު ސްޕޯޓްސް އެވެ.
ގުޅުންހުރި

ތަފާތުބޮޑު ނަތީޖާއަކުން ޑްރީމް އެފްސީ ބަލިކޮށް ރުއްދަށް އެސްސީ ފައިނަލުން ޖާގަ ހޯދައިފި

ފަސޭހަކަމާއެކު އެޓޭކް އެޓޭކް އެޓޭކް ބަލިކޮށް ގުޅުން ކަންމަތި ފައިނަލުން ޖާގަ ހޯދައިފި

ޓާފް ކުއީންސް ބަލިކޮށް ލީގު ބުރުގެ އެއްވަނަ މާވަހި ސްޕޯޓްސް ކުލަބުން ކަށަވަރުކޮށްފި
