--
ބ. ހިތާދޫ ބިން ހިއްކުމުގެ މަޝްރޫޢުގެ ކޮންޓްރެކްޓަރާއި ހަވާލުކޮށްފި އެވެ.
ސަރުކާރުން މި މަޝްރޫއު ހަވާލުކުރީ އެމްޓީސީސީއާއިއެވެ. އެގޮތުން މި މަޝްރޫއުގެ އެއްބަސްވުމުގައި ސޮއިކުރުން ކުރިޔަށްދިޔައީ މިހާރު ރައީސް ޑރ މުހައްމަދު މުއިއްޒު ބ އަތޮޅަށް ކުރައްވަމުން ގެންދަވާ ރަސްމީ ފަތުރުފުޅުގެ ތެރެއިން މިއަދު އެރަށަށް ވަޑައިގެންނެވުމުންނެވެ.
އެގޮތުން މި އެއްބަސްވުމުގައި މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ މިނިސްޓަރ ޑރ. ޢަބްދުﷲ މުއްޠަލިބް އެވެ. މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީގެ ފަރާތުން ސޮއިކުރެއްވީ މެނޭޖިންގ ޑިރެކްޓަރ ޑީސީޕީ (ރިޓެޔާރޑް) އަހްމަދު ސައުދީ އެވެ.
ސަރުކާރުން ބުނީ މި މަޝްރޫޢުގެ ދަށުން 15 ހެކްޓަރުގެ ބިން ހިއްކައި، ހިއްކާ ބިމުގެ ވަށައިގެން 691 މީޓަރުގެ ރިވެޓްމަންޓް އަދި 25 މީޓަރުގެ 6 ފައިކަށި ލެވިގެންދާނެ ކަމަށެވެ.
ފަހުގެ
