logoEN
Sto top
ބޯޓަށް ދިމާވި މައްސަލަ ހައްލުކުރުމަށްފަހު އުމްރާވެރިންނާއި އެކު ބޯޓު ރާއްޖެ ދިޔުމަށް ފުރައިފި - މޯލްޑިވިއަން

ބޯޓަށް ދިމާވި މައްސަލަ ހައްލުކުރުމަށްފަހު އުމްރާވެރިންނާއި އެކު ބޯޓު ރާއްޖެ ދިޔުމަށް ފުރައިފި - މޯލްޑިވިއަން

އަހުމަދު ޝުރާއު

logo

8/9/2025, 4:39:49 PM

# މޯލްޑިވިއަން

-

މިއަދު ސައުދީ އަރަބިއްޔާގެ ޖިއްދާ އެއާޕޯޓުން ރާއްޖެއަށް ދަތުރުކުރުމަށް ހަމަޖެހިފައިވަނިކޮށް މައްސަލަ ޖެހުނު މޯލްޑިވިއަންގެ މަތިންދާބޯޓު މިހާރު ރާއްޖެ އައުމަށް ފުރާފައިވާ ކަމަށް އެއާލައިނުން ބުނެފި އެވެ.

Wamco

ދިވެހި އުމްރާވެރިން ސައުދީ އަށް ދަތުރުކުރުމަށް މިއަހަރު ގައުމީ އެއާލައިން މޯލްޑިވިއަންއިން އަންނަނީ ސައުދީއަށް ސީދާ ދަތުރުތަކެއް ކުރަމުންނެވެ. އެގޮތުން ޖުލައި މަހުގެ އުމްރާއަށް ރާއްޖެއިން ދިޔަ ބައެއް އުމްރާވެރިން އުމްރާގެ އަޅުކަން ފުރިހަމަކުރުމަށްފަހު މިރޭ ރާއްޖެ އައުމަށް ހަމަޖެހުނީ މޯލްޑިވިއަންގެ މަތިންދާބޯޓެއްގައި އެވެ.

ނަމަވެސް ބޯޓަށް ދިމާވި މައްސަލައަކާއި ގުޅިގެން ބޯޓު ސައުދީގެ ޖިއްދާ އެއާޕޯޓުގެ ނުފުރި ގިނަ އިރުތަކެއް ވަނީ ވެފައި އެވެ.

މިކަމާއި ގުޅިގެން މޯލްޑިވިއަންއިން ދާދި ދެންމެ އަކު ބުނީ ޖިއްދާއިން މާލެއަށް ދަތުރުކުރުމަށް ހަމަޖެހުނު Q2 6361 މަތިންދާ ބޯޓަށް ދިމާވި ޓެކްނިކަލް މައްސަލައެއް ހައްލު ކޮށް، 2 ގަޑިއިރުގެ ޑިލޭއަކަށްފަހު ހުރިހާ ސަލާމަތީ ފިޔަވަޅުތައް ފުރިހަމަކޮށް ޖިއްދާއިން މަތިންދާ ބޯޓު މިހާރު ފުރާފައިވާ ކަމަށެވެ.

އަދި މި ޑިލޭއާއި ގުޅިގެން ފަސިންޖަރުންނަށް ދިމާވި ދަތިތަކަށްް މަޢާފަށް އެއާލައިނުން ވަނީ މާފަށް އެދިފައި އެވެ.

މިކަމާއި ގުޅިގެން ހައްޖު ކޯޕަރޭޝަންގެ އެމްޑީ މުހައްމަދު ޝަކީލް މިރޭ އެކްސްގައި ކުރެއްވި ޕޯސްޓެއްގައި ވިދާޅުވީ ހައްޖު ކޯޕަރޭޝަންގެ ހަވާލުގައި އުމްރާއަށް ދިޔަ އުމްރާވެރިން ގޮވައިގެން މިއަދު ސައުދީއަރަބިއްޔާއިން ރާއްޖެއަށް އައުމަށްޓަކާ ސައުދީ ގަޑިން 15:45 ގައި ފުރުމަށް ހަމަޖެހިފައިވާ ފްލައިޓަށް ދިމާވި ޓެކްނިކަލް މައްސަލައަކާ ގުޅިގެން ފުރުން ލަސްވި ފްލައިޓް މައްސަލަ ހައްލުކޮށް މިއަދު ސައުދީ ގަޑިން 18:30 ގައި ފުރާފައިވާ ކަމަށެވެ.

އަދި ޖުމްލަ ގޮތެއްގައި ހުރިހާ އުމްރާވެރިންގެ ހާލުވެސް ރަނގަޅުކަމަށް ޝަކީލް ވިދާޅުވިއެވެ.

E living
ކޮމެންޓް
E living
ފަހުގެ
HDC