މާލެ އާއި ހުޅުމާލެއިން ކަރަންޓު ކެނޑިއްޖެ، މައްސަލަ ހައްލުކުރުމަށް ސްޓެލްކޯއިން މަސައްކަތްކުރަނީ

މާލެ އާއި ހުޅުމާލޭގެ ހުރިހާ ސަރަހައްދަކުން ކަރަންޓުގެ ހިދުމަތް ކެނޑިއްޖެ އެވެ.

ސްޓެލްކޯއިން މިއަދު ބުނީ ދިމާވި ޓެކްނިކަލް މައްސަލައަކާއި ގުޅިގެން މާލެއާއި ހުޅުމާލެއިން ކަރަންޓުގެ ހިދުމަތް މެދުކެނޑިފައިވާ ކަމަށާއި މައްސަލަ ހައްލުކޮށް އަލުން ކަރަންޓު ދިނުމުގެ މަސައްކަތްތައް ކުރެވެމުންދާ ކަމަށެވެ.

އަދި ދިމާވާނެ ދަތިތަކަށް ސްޓެލްކޯއިން ވަނީ މާފަށް އެދިފައި އެވެ.

މައުލޫމާތު ލިބިފައިވާ ގޮތުގައި މުޅި މާލެ އާއި ހުޅުމާލެއިން ވަނީ ކަރަންޓުގެ ހިދުމަތް ކެނޑިފައި އެވެ. އެގޮތުން ކަރަންޓު ކެނޑުނީ މިއަދު ހެނދުނު 9:50 ހާއިރު އެވެ.