މާޅޮސް ފަޅުތެރޭގައި އޮތް ދޯންޏެއްގައި އެއްޗެއް ގޮވައި ދެމީހަކު ފިހިއްޖެ

އއ މާޅޮސް ފަޅުތެރޭގައި އޮތް ދޯންޏެއްގައި އެއްޗެއް ގޮވައި ދެމީހަކު ފިހިއްޖެ އެވެ.

ފުލުހުން ދާދި ދެންމެއަކު ބުނީ މިރޭ 20:45 ހާއިރު އއ މާޅޮސް ފަޅުތެރޭގައި އޮތް ދޯންޏެއްގައި އެއްޗެއް ގޮވުމުގެ ސަބަބުން ދެ ބިދޭސީއަކު ފިހިފައިވާ ކަމަށެވެ.

އަދި އެދެމީހުންނަށް މާޅޮސް ހެލްތު ސެންޓަރުގައި ފަރުވާ ދިނުމަށްފަހު އިތުރު ފަރުވާއަށް މާލެ ފޮނުވުމުގެ މަސައްކަތް ކުރަމުން އަންނަ ކަމަށްވެސް ފުލުހުން ބުނެއެވެ.

މި ހާދިސާގައި ދޯނީގައި ގޮވީ ކޯއްޗެއް ކަމެއް އަދި މިހާތަނަށް ފުލުހުން ހާމައެއް ނުކުރެއެވެ.

ފުލުހުން ބުނި މި މައްސަލަ ތަހުގީގުކުރަމުންދާ ކަމަށެވެ.