logoEN
Sto top
ދެމެހެއްޓެނިވި ފަތުރުވެރިކަމާއި އިމާރާތްކުރުމުގެ ތަމްރީނު ވޯކްޝޮޕެއް ފޮނަދޫގައި ބާއްވައިފި

ދެމެހެއްޓެނިވި ފަތުރުވެރިކަމާއި އިމާރާތްކުރުމުގެ ތަމްރީނު ވޯކްޝޮޕެއް ފޮނަދޫގައި ބާއްވައިފި

އަހުމަދު ޝުރާއު

logo

7/23/2025, 11:32:39 AM

# އެންވަޔަރަމަންޓް މިނިސްޓްރީ

-

އެންދެރި ޕްރޮޖެކްޓްގެ ދަށުން، ދެމެހެއްޓެނިވި ފަތުރުވެރިކަމާއި އިމާރާތްކުރުމާ ބެހޭ ތަމްރީނު ވޯކްޝޮޕެއް މިއަދު ލާމު އަތޮޅު ފޮނަދޫގައި ބާއްވައިފިއެވެ.

Wamco

މި ވޯކްޝޮޕަކީ އެޕޯޗް އެސޯސިއޭޓްސްއާ އެކު ކުރިއަށް ގެންދާ ކޮންސަލްޓެންސީއެއްގެ ދަށުން ބޭއްވުނު ވޯކްޝޮޕެކެވެ.

މި ވޯކްޝޮޕްގައި މޫސުމަށް ތަޙައްމަލުވާނެފަދަ އުމްރާނީ ތަރައްޤީ (ކްލައިމެޓް ރެސިލިއަންޓް އިންފްރާސްޓްރަކްޗަރ)، އެގްރީ-ޓޫރިޒަމް (ދަނޑުވެރިކަމާ ގުޅިފައިވާ ފަތުރުވެރިކަން) އަދި ދެމެހެއްޓެނިވި ނޫން އުސޫލުތަކުގެ ސަބަބުން ތިމާވެއްޓަށް ކުރާ ނޭދެވޭ އަސަރުތައް ފަދަ މުހިންމު މައުޟޫތަކަށް ވަނީ މަޝްވަރާކޮށްފައި އެވެ.

މި ތަމްރީނު ޕްރޮގްރާމުގައި ލާމު އަތޮޅުގެ އެކި އަތޮޅު ކައުންސިލްތަކާއި ރަށު ކައުންސިލްތަކުގެ މަންދޫބުންނާއި، ދިވެހި ޖަމްޢިއްޔާ ޖަމާޢަތްތަކުގެ ފަރާތްތަކާއި، ފަތުރުވެރިކަމުގެ ވިޔަފާރިތަކުގެ ބައިވެރިން ހިމެނުނެވެ.

މި ވޯކްޝޮޕްގެ މަޤްޞަދަކީ ދެމެހެއްޓެނިވި ތަރައްޤީއަށް ބާރުއެޅުމާއި، ޚާއްސަކޮށް ފަތުރުވެރިކަމާއި އިމާރާތްކުރުމުގެ ދާއިރާގައި ދެމެހެއްޓެނިވި އުސޫލުތައް ތަންފީޒުކުރުމަށް ބޭނުންވާ މަޢުލޫމާތާއި ހުނަރު ބައިވެރިންނަށް ފޯރުކޮށްދިނުމެވެ.

E living
ކޮމެންޓް
E living
ފަހުގެ
HDC