
ޗައިނާގެ ފުޖިއާން ޓެކްނިކަލް ޓީމުން ގްރީން ނަރަސަރީ ސާވޭގެ ނަތީޖާ ހުށަހަޅައިފި
# އެންވަޔަރަމަންޓް މިނިސްޓްރީ-
ޗައިނާގެ ފުޖިއާން ޕްރޮވިންޝަލް އޮފީހުން ރާއްޖެއަށް ޒިޔާރަތްކުރި ޓެކްނިކަލް ސާވޭ ޓީމުން، ރާއްޖޭގައި ކުރިއަށްގެންދާ "5 މިލިއަން ގަސް އިންދުމުގެ ޕްރޮގްރާމް" އާ ގުޅިގެން ގްރީން ނަރަސަރީއެއް ގާއިމުކުރުމަށް ހުޅުމާލޭގައި ހަދާފައިވާ ސަރަހައްދު ބެލި ބެލުމުގެ ނަތީޖާ މިއަދު އެ ޕްރޮގްރާމުގެ މަސްއޫލުވެރިންނަށް ރަސްމީކޮށް ހުށަހަޅައިފިއެވެ.

މި ޓެކްނިކަލް ޓީމުން ވަނީ ފާއިތުވެދިޔަ ފަސް ދުވަހު ހުޅުމާލޭގައި ގްރީން ނަރަސަރީ ހެދުމަށް ހަމަޖެހިފައިވާ ސަރަހައްދު ބަލައި، އެތަނުގެ ބިމުގެ ހާލަތާއި، ފެނާއި، އަދި ނަރަސަރީއެއް ހެދުމަށް ބޭނުންވާ އެހެނިހެން ތަކެތި ހުރި މިންވަރުގެ ތަފްސީލީ ސާވޭއެއް ހިންގާފައެވެ.
މި ސާވޭގެ މައިގަނޑު މަގުސަދަކީ، "5 މިލިއަން ގަސް އިންދުމުގެ ޕްރޮގްރާމް" އަށް ބޭނުންވާ ގަސްތައް ބޮޑެތި އަދަދަކަށް އުފެއްދުމަށް އެންމެ އެކަށީގެންވާ ގޮތަކަށް ނަރަސަރީއެއް ގާއިމުކުރުމަށް ބޭނުންވާ ފަންނީ އެހީތެރިކަން ފޯރުކޮށްދިނުމެވެ.
ސާވޭގެ ނަތީޖާތައް ހުށަހެޅުމަށްފަހު، މި ޓެކްނިކަލް ޓީމު ވަނީ ރާއްޖެއިން ފުރާފައެވެ. މިއީ ރައީސް ޑރ. މުޙައްމަދު މުޢިއްޒުގެ ވެރިކަމުގެ ފުރަތަމަ 100 ދުވަހުގެ ތެރޭގައި ތަންފީޒުކުރަން ނިންމާފައިވާ މުހިންމު ޕްރޮގްރާމްތަކުގެ ތެރެއިން ތިމާވެއްޓާ ގުޅުންހުރި އެއް ޕްރޮގްރާމެވެ. މި ޕްރޮގްރާމުގެ ދަށުން ރާއްޖޭގެ އެކި ހިސާބުތަކުގައި 5 މިލިއަން ގަސް އިންދުމަށް ވަނީ ރާވާފައެވެ.
ގުޅުންހުރި

ރާއްޖޭގައި ކެމިކަލް މެނޭޖްމަންޓް ހަރުދަނާ ކުރުމަށް ފުރަތަމަ ފަހަރަށް ވޯކްޝޮޕެއް!

ދައުލަތުގެ މުއައްސަސާތަކަށް ކްލައިމެޓް ފައިނޭންސް ޓެގިންގެ ތަމްރީނު ބާއްވައިފި

ޔޫތް ޓްރެކް ޓު ކޮޕް30 އަކީ ދިވެހި ޒުވާނުންނަށް މޫސުމީ ބަދަލުތަކަށް ހައްލު ހޯދުމުގެ މަންސައެއް - ޔުނިސެފް
.webp&w=3840&q=75)