މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑުން: މައްސަލަ ހައްލުކުރުމަށް މިދަނީ މަސައްކަތްކުރަމުން - ސްޓެލްކޯ

މާލެއާއި ހުޅުމާލޭގެ ބައެއް ސަރަހައްދުތަކުން ކަރަންޓު ކެނޑިއްޖެ އެވެ.

ސްޓްލެކޯއިން ދާދި ދެންމެ އަކު ބުނީ ދިމާވި ޓެކްނިކަލް މައްސަލައަކާއި ގުޅިގެން މާލެ އަދި ހުޅުމާލޭގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވާ ކަމަށެވެ.

އަދި މައްސަލަ ދެނަގަނެ، ހައްލު ކުރުމުގެ މަސައްކަތްތައް ދަނީ ކުރަމުން ކަމަށާއި ދިމާވާނެ ދަތިތަކަށް އެކުންފުނީން ވަނީ މާފަށް އެދިފައި އެވެ.

ކުއްލި ގޮތަކަށް މިރޭ މާލެ ސަރަހައްދުން ކަރަންޓު ކެނޑެން މެދުވެރިވި ސީދާ ސަބަބެއް އަދި މިހާތަނަށް ސްޓެލްކޯއިން ހާމަކޮށްފައިނުވެއެވެ.

މައުލޫމާތު ލިބޭގޮތުގައި މާލޭގެ ހެންވޭރާއި މާފަންނުގެ އިތުރުން ހުޅުމާލޭގެ ފޭސް އެކެއްގެ ބައެއް ސަރަހައްދުތަކުން ވަނީ ކަރަންޓު ކެނޑިފައި އެވެ.