40 ކުދިންނާއިއެކު ޑިސްކަވާ ޑައިވް ހަރަކާތް ކުރިއަށް ގެންގޮސްފި

ދުނިޔޭގެ ކަނޑުތަކުގެ ދުވަސް ފަހަގަކުރުމަށް ކުޑަކުދިންނަށް ހާއްސަކޮށްގެން ޑިސްކަވާ ޑައިވް ހަރަކާތް ކުރިއަށް ގެންގޮސްފިއެވެ.

މި ހަރަކާތް ކުރިއަށް ގެންދިޔައީ ދުނިޔޭގެ ކަނޑުތަކުގެ ދުވަސް ފާހަގަކުރުމަށް މިއަދު ކުރިއަށްގެންދިޔަ މޫދު ފެސްޓުގެ ތެރެއިންނެވެ.

ޑިސްކަވާ ޑައިވް ހަރަކާތުގައި 40 ކުޑަކުދިން ވަނީ ބައިވެރިވެފައެވެ.

މި ހަރަކާތަކީ ކުޑަކުދިންނަށް ކަނޑުގެ ރީތިކަން ދައްކާލުމާއި ކަނޑުގެ ދިރުންތަކުގެ މައުލޫމާތު ދިނުމަށް ހިންގާ ހަރަކާތެކެވެ. މި ހަރަކާތުގެ މައިގަނޑު މަގްސަދަކީ ޒުވާނުންނާއި ކުޑަކުދިންނަށް ކަނޑާއި، ކަނޑުގެ ވެށި ހިމާޔަތްކުރުމަށް ބާރުއެޅުމެވެ. މި އިވެންޓްގެ ހުރިހާ ބައިވެރިންނަށާއި އެހީތެރިވެދެއްވި ހުރިހާ ފަރާތްތަކަށް ވަނީ ހަނދާނީ ސެޓްފިކެޓް ދީފަ އެވެ.

މީގެ އިތުރުން ކުޑަކުދިންނަށް ހާއްސަކޮށް ކަނޑާއި ކަނޑުގެ ދިރުންތަކާ ގުޭ މައުލޫމާތު ދިނުމަށް ހާއްސަ ސްޓޮލްތަކެއް ވަނީ ބަހައްޓާފަ އެވެ. އަދި ކުޑަކުދިންނަށް ހާއްސަކޮށް މޫދުގެ ކުޅިވަރުތައް ވަނީ ކުރިއަށްގެންގޮސްފަ އެވެ.