އިސްރާއީލުން އިރާނަށް ހަމަލާދިނުން: ތެލުގެ އަގު އުފުލިއްޖެ

ނިރުބަވެރި އިސްރާއީލުން އިރާނަށް ރޭ ދިން ވަރުގަދަ ހަމަލާތަކާއި ގުޅުގެން ދުނިޔޭގެ ބާޒާރުގައި ތެލުގެ އަގު އުފުލިއްޖެ އެވެ.

ރޮއެޓާސްއިން ރިޕޯޓުކުރާގޮތުގައި އިސްރާއީލުގެ ހަމަލާއާއި އެކު، ބްރެންޓް ކްރޫޑް ތެލުގެ އަގު 9 އިންސައްތައިން އުފުލި ފީފާއެއްގެ އަގު 75.65 ޑޮލަރަށް އަރާފައިވާއިރު، ޔޫއެސް ޓެކްސަސަް އިންޓަމީޑިއެޓް (ޑަބްލިއުޓީއައި) ގެ ސާފު ނުކުރާ ތެޔޮ ފީފާއެއްގެ އަގުވެސް 9.45 އިންސައްތަ އުފުލި ފީފާއެއްގެ އަގު 74.47 ޑޮލަރަށް ވަނީ މަތިވެފައި އެވެ.

މިއީ ފާއިތުވި 5 މަސް ދުވަހުގެ ތެރޭގައި ތެލުގެ އަގު މިހާބޮޑަށް މައްޗަށް ދިން ފަހަރެވެ. އެންމެ ފަހުންވެސް ތެލުގެ އަގު މައްޗަށް ދިޔައީ އިރާނުން އިސްރާއީލަށް ދިން ހަމަލާތަކާއި ގުޅިގެންނެވެ.

އެފަހަރު ބްރެންޓް ކްރޫޑް ތެލުގެ އަގާއި ޔޫއެސް ޓެކްސަސަް އިންޓަމީޑިއެޓް (ޑަބްލިއުޓީއައި) ސާފު ނުކުރާ ތެލުގެ އަގު 3.5 އިންސައްތަ މައްޗަށް ދިޔައެވެ.

ރިޕޯޓުތައް ބުނާގޮތުގައި މިވަގުތު އޮތް އެންމެ ބޮޑު ބިރަކީ މަޝްރަހު މާބޮޑަށް ހޫނުވެ ގަލްފުން ތެޔޮ ބޭރުކުރަން ބޭނުންކުރާ ހޮރްމޫޒް ކަނޑުއޮޅި އިރާނުން ބަންދުކޮށްފާނެ ކަމުގެ ބިރެވެ.