ލާމުގެ ފަޅުރަށެއް ކައިރިއަށް މަސް ހިފަން ފޭބި މީހަކު ނިޔާވެފައި އޮތްވާ ފެނިއްޖެ

ލާމުގެ ފަޅުރަށެއް ކައިރިއަށް މަސް ހިފަން ފޭބި މީހަކު ނިޔާވެފައި އޮތްވާ ފެނިއްޖެ އެވެ.

ފުލުހުން މިއަދު ބުނޫ ލ ގަން ކައިރީގައި އޮންނަ ފަޅު ރަށެއް ކަމަށްވާ މަހަކަންފުށީ ކައިރިއަށް މަސް ހިފަން މޫދަށް ފައިބާ އުޅުނު މީހަކު ހެއްލިފައިވާ މައްސަލަ މިއަދު 09:50 ހާއިރު ފުލުހުންނަށް ރިޕޯޓުކޮށްފައިވާ ކަމަށެވެ.

އެގޮތުން އެމީހާ ހޯދަމުން ދަނިކޮށް މިއަދު 11:00 އެހާކަންހާއިރު ގެއްލުނު ސަރަހައްދުގެ މޫދުން އެމީހާ ފެނިފައިވާ ކަމަށާއި ފެނުނު އިރުވެސް އެމީހާ ނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް ފުލުހުން ބުނެއެވެ.

މައުލޫމާތު ލިބިފައިވާ ގޮތުގައި ނިޔާވެފައި އޮއްވާ ފެނިފައި ވަނީ ލ.ގަން (ތުނޑީ ފެސްފަރީ) އަބުދުލްސަމަދު މުހައްމަދުއެވެ.

ފުލުހުން ބުނީ މި ކަމާއި ގުޅިގެން ބަލަން ޖެގޭ ކަންކަން ބަލަމުން އަންނަ ކަމަށެވެ.