ޓިކްޓޮކް ލައިވެއްގައި ބަރަހަނާވެ ޖިންސީ އަމަލު ހިންގި ދިވެހި އަންހެނެއްގެ މައްސަލަ ބަލަނީ

ޓިކްޓޮކް ލައިވެއްގައި ބަރަހަނާވެ ޖިންސީ އަމަލު ހިންގި ދިވެހި އަންހެނެއްގެ މައްސަލަ ބަލަން ފުލުހުން ފަށައިފި އެވެ.

ފުލުހުންގެ މީޑިއާ އޮފިޝަލް ވިދާޅުވީ މިދިޔަ ހުކުރު ދުވަހު ސޯޝަލްމީޑިއާ ޕްލެޓްފޯމެއްގައި ލައިވްވި ދިވެހި އަންހެނަކު ބަރަހަނާވެ ޖިންސީ އަމަލުތަކެއް ހިންގާފައި ވާކަމަށް ފުލުހުންނަށް ރިޕޯޓުކޮށްފައި ވާކަމަށެވެ.

މިއާއިއެކު ފުލުހުންގެ ޚިދުމަތުން އެ މައްސަލަ ތަހުގީގު ކުރަމުން ދާކަމަށް ވަނީ ބުނެފައެވެ. ނަމަވެސް މި މައްސަލައާއި ގުޅިގެން މީހަކު ހައްޔަރުކުރި ކަމެއް އަދި މިހާތަނަށް ފުލުހުން ހާމައެއް ނުކުރެއެވެ.

މައުލޫމާތު ލިބިފައިވާ ގޮތުގައި ބަރަހަނާވެ ލައިވްއެއް ކޮށްފައިވަނީ ދިވެހީންގެ މެދުގައި މަގްބޫލު ޓިކްޓޮކްގައި އެވެ.

ފުލުހުން މީގެ ކުރީން ވަނީ އަންހެން ހެނދުން ލައިގެން ޓިކްޓޮކްގައި މުޖުތަމައުއާއި ނުގުޅޭ މަންޒަރުތައް ލައިވްކުރި ފިރިހެނަކުވެސް ހައްޔަރުކޮށްފައި އެވެ.