މިރޭވެސް ހުޅުމާލޭގައި ހަވާއެރުވާނެ: ހުޅުމާލޭގައި ޖެހިޖެހިގެން ހަވާ އަރުވާތާ ތިން ވަނަ ރޭ!

ހުޅުމާލޭގައި މިރޭވެސް ހަވާ އަރުވާނެ ކަމަށް އެމްއެންޑީއެފުން ބުނެފި އެވެ.

އެމްއެންޑީއެފް އިން ބުނީ ހުޅުމާލެ ފޭސް 2 ގައި މިރޭ 21:45 ގައި ހަވާ އެރުވުމަށް ނިންމާފައިވާ ކަމަށެވެ. ހަވާ އެރުވުމަށް ނިންމާފައިވަނީ 3 މިނެޓަށެވެ.

މިރޭ ހަވާއެރުވުމަށް ހަމަޖެހިފައިވަނީ ސިފްކޯއިން ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކަމަށްވެސް އެމްއެންޑީއެފުން ބުނެއެވެ.

ރާއްޖޭގައި ހަވާ އެރުވުމުގެ ކަންކަން ކުރިއަށް ގެންދަނީ ވިޔަފާރީގެ އުސޫލުން ސިފައިންގެ ވެލްފެއަރ ކުންފުނި ސިފްކޯ އިންނެވެ.