
ެއެމެރިކާގެ ވޮޝިންގޓަންގައި ދިން ބަޑީގެ ހަމަލާއެެއްގައި އިޒްރޭލު އެމްބަސީގެ ދެ މުވައްޒަފަކު މަރާލައިފި
# އިސްރާއިލް-
އެމެރިކާގެ ވޮޝިންގޓަންގައި ދިން ބަޑީގެ ހަމަލާއެެއްގައި އިޒްރޭލު އެމްބަސީގެ ދެ ޔަހޫދީއަކު މަރާލައިފި އެވެ.

ރިޕޯޓުތައް ބުނާގޮތުގައި އެމެރިކާގެ ވެރިރަށް ވޮޝިންޓަން ޑީސީގައި ހުންނަ ޔަހޫދީ މިއުޒިއަމެއްގެ ބޭރުގައި ބަޑީގެ ހަމަލާއެއް ދީފައިވާކަން އެމެރިކާ ފުލުހުންވެސް ވަނީ ކަށަވަރުކޮށްދީފައި އެވެ.
އެމެރިކާގެ އޭބީސީ ނިއުސް އާއި ފޮކްސް ނިއުސް އިން ރިޕޯޓްކޮށްފައިވާ ގޮތުގައި މި ހަމަލާގައި އަންހެނަކާއި ފިރިހެނަކު ވަނީ މަރުވެފަ އެވެ. ބައެއް މަސްދަރުތަކުން ބުނާގޮތުގައި މަރުވި ދެމީހުންނަކީ އެމެރިކާގައި ހުންނަ އިސްރާއީލު އެމްބަސީގައި މަސައްކަތްކުރާ އިޒްރޭލަށް ނިސްބަތްވާ ދެ މީހެކެވެ.
މި ހަމަލާދީފައިވަނީ އެމެރިކަން ޔަހޫދީ ކޮމިޓީން އެތަނުގައި ބޮޑު ހަރަކާތެއް ކުރިޔަށް ގެންދަނިކޮށެވެ. އެ ހަރަކާތުގައި އިޒްރޭލު އެމްބަސީގެ ބައެއް މުވައްޒަފުން ވަނީ ބައިވެރިވެފައި އެވެ.
ބައެއް ރިޕޯޓުތައް ބުނާގޮތުގައި މި ހަމަލާދިން ވަގުތު އެތަނުގައި އެމެރިކާގެ ބަންޑާރަ ނައިބު ޕަމޭލާ ބޮންޑީ ވެސް ހުންނެވި އެވެ.
އެމެރިކާގެ ސެކްރެޓަރީ އޮފް ހޯމްލޭންޑް ސެކިއުރިޓީ ކްރިސްޓީ ނޯމް ނެރުނު ބަޔާނެއްގައި ބުނީ މިއުޒިއަމް ކައިރީގައި ދިން ހަމަލާއެއްގައި އިޒްރޭލު އެމްބަސީގެ މުވައްޒަފުން މަރާލާފައިވަނީ ރަހުމްކުޑަ ގޮތަކަށް ކަމަށެވެ. "އަޅުގަނޑުމެން އެކްޓިވްކޮށް ތަހުގީގުކޮށް ހިއްސާ ކުރަން އިތުރު މައުލޫމާތު ހޯދުމުގެ މަސައްކަތް ކުރަމުން މިދަނީ،" ނޯމް ބުނެފައި ވެއެވެ.