ބީއެމްއެލް ކާޑުތަކުން ވިޔަފާރިކުރުމުން ޚާއްސަ ޑިސްކައުންޓް ދެނީ

ބޭންކް އޮފް މޯލްޑިވްސް އިން ދޫކޮށްފައިވާ ކާޑުތަކުން ވިޔަފާރިކޮށްގެން ޚާއްސަ ޑިސްކައުންޓްތަކެއް ލިބޭ ގޮތް ހަދައިފިއެވެ.

ބީއެމްއެލްއިން ބުނީ ބީއެމްއެލް ޕީއޯއެސް މެޝިން މެދުވެރިކޮށް ފައިސާދައްކައިގެން ޚާއްސަ ޑިސްކައުންޓުތަކެއް ލިބޭ ގޮތް ހަމަޖައްސާފައިވަނީ ރާއްޖޭގެ ބައެއް ފިޔަފާރިތަކާއި ގުޅިގެން ކަމަށެވެ.

ބީއެމްއެލްގެ އޮފަރ ޕޯޓަލްގައި ހިމެނޭ ތަފާތު އެކި ވިޔަފާރިތަކުން ބީއެމްއެލް ކާޑުން ވިޔަފާރިކޮށްގެން ކަސްޓަމަރުންނަށް %45 އާ ހަމައަށް ޑިސްކައުންޓް ލިބޭނެއެވެ.

މި ފިހާރަތަކުގެ ތެރޭގައި ހެދުން ވިއްކާ ފިހާރަތަކާއި ކޮސްމެޓިކް ފިހާރަތަކާއި ފަރނީޗަރު ވިއްކާ ފިހާރަތަކާއި ކެފޭ އަދި ރެސްޓޯރެންޓްތައް ހިމެނެއެވެ.