އެމްއެންޔޫގެ ޖޮބް ފެސްޓިވަލް އަންނަ ބުރާސްފަތި ދުވަހު ފަށަނީ

ދިވެހިރާއްޖޭގެ ޤައުމީ ޔުނިވާސިޓީ (އެމްއެންޔޫ)ގެ ފަރާތުން ކޮންމެ އަހަރަކު ވެސް " އެމްއެންޔޫ ފަހި ފުރުޞަތު 2025"ގެ ނަމުގައި ބާއްވާ ޖޮބް ފެސްޓިވަލް ބޭއްވުމަށް ތައްޔާރުވެއްޖެއެވެ.

މި މެއި މަހުގެ 22 އަދި 23 ވަނަ ދުވަހު ކުރިއަށްގެންދިޔުމަށް ހަމަޖެހިފައިވާ މި ޖޮބް ފެސްޓިވަލް ބާއްވަނީ އެމްއެންޔޫ ސެންޓްރަލް އެޑްމިނިސްޓްރޭޝަންގައެވެ.

މި ފެސްޓިވަލްގެ އެގްޒިބިޓަރސްގެ ގޮތުގައި، މޯލްޑިވިސް ޕެންޝަން އޮފިސް،މިފްކޯ، މިނިސްޓްރީ އޮފް ޓުއަރިޒަމް އެންޑް އެންވާރޮމަންޓް،އެސްޓީއޯ، ކޭޕީއެމްޖީ، މޯލްޑިވިސް އިންލޭން ރެވެނިއު އޮތޯރިޓީ (މީރާ)ގެ އިތުރުން ވެސް އެހެން އެގްޒިބިޓަރސް ދަނީ އެމްއެންޔޫގެ ޖޮބް ފެސްޓިވަލްގައި ބައިވެރިވަމުންނެވެ.

މިފަދަ ޖޮބް ފެސްޓިވަލްތަކުގެ ސަބަބުން ވަޒީފާ ހޯދާ ފަރާތްތަކާއި ވަޒީފާދޭ ފަރާތްތަކާއި ބައްދަލުކޮށް، އެ ޒުވާނެއްގެ ހުނަރާއި ޤާބިލްކަމާއި އެކަށީގެންވާ ވަޒީފާ ހޯދުމުގެ އިތުރުން ތަމްރީނު ހާޞިލުކުރުމާއި ހުނަރުވެރިކަން އިތުރުކުރުމުގެ ފުރުޞަތުތަކަށް މަގުފަހިވެގެންދާނެ ކަމަށް އެމްއެންޔޫއިން ބުނެއެވެ.