ގައުމީ ދިގުފެތުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލައިފި

16 ވަނަ ގައުމީ ދިގު ފެތުމުގެ މުބާރާތުގައި ބައިވެރިވުމުގެ ފުރުސަތު ހުޅުވާލައިފި އެވެ.

މެއި މަހު 17ވަނަ ދުވަހު ބޭއްވުމަށް ނިންމާފައިވާ ގައުމީ ދިގުފެތުމުގެ މުބާރާތް ކުރިއަށް ގެންދިޔުމަށް ނިންމާފައިވަނީ ކުޑަގިރީގައެވެ.

ގައުމީ ފެތުމުގެ މުބާރާތުގައި ކުރިޔަށްދާނީ 5 ކިލޯ މީޓަރާއި 3 ކިލޯމީޓަރު ރޭސް ކޯސް، 1 ކިލޯމީޓަރ ރޭސް އަދި 0.5 ކިލޯ މީޓަރ ރޭސް ކޯސްގެ އިވެންޓުތަކެވެ.

މި މުބާރާތުގައި ބައިވެރިވުމުގެ ފުރުސަތު, މެއި މަހުގެ 4 ވަނަ ދުވަހުގެ މެންދުރު 14:00 އާއި ހަމައަށް ހުޅުވާލެވިފައިވާ ކަމަށް ސްވިމިންގ އެސޯސިއޭޝަނުން ބުނެއެވެ.

މި މުބާރާތުގައި ބައިވެރިވާން ބޭނުންވާ ފަރާތްތަކަށް ސްވިމިން އެސޯސިއޭޝަންގެ ވެބްސައިޓް މެދުވެރިކޮށް އެޕްލިކޭޝަން ފޯމު ހުށަހެޅޭނެ ކަމަށް އެ އެސޯސިއޭޝަނުން ބުނެއެވެ.