ދެކުނު އޭޝިއާގެ ޔޫއެން ޓޫރިޒަމް ކޮމިޝަންގެ ރިޔާސަތު ރާއްޖެއިން ބަލަހައްޓަވަނީ

ދެކުނު އޭޝިއާގެ ޔޫއެން ޓޫރިޒަމް ކޮމިޝަންގެ މިއަހަރުގެ ރިޔާސަތު ބެލެހެއްޓުމުގެ ޝަރަފު ދިވެހިރާއްޖެއައްޖެއަށް ލިބިއްޖެއެވެ.

މި މަޤާމުގައި ރާއްޖެ ތަމްސީލު ކުރައްވަނީ ޓޫރިޒަމް އަދި ތިމާވެށީގެ ދާއިރާގެ ސްޓޭޓް މިނިސްޓަރ ޑރ. ޢަބްދުﷲ ނިޔާޒެވެ.

އިއްޔެ ބޭއްވުނު ކޮމިޝަންގެ ފުރަތަމަ ބައްދަލުވުމުގައި ވާހަކަފުޅު ދައްކަވަމުން ޑރ. ނިޔާޒް ވިދާޅުވީ، މުޅި ސަރަޙައްދުގައި ދެމެހެއްޓެނިވި އަދި އެކުލެވޭ ފަތުރުވެރިކަމެއް ކުރިއެރުވުމަށް ރާއްޖެއިން ކުރަމުންދާ މަސައްކަތްތައް އިތުރަށް ހަރުދަނާ ކުރައްވާނެ ކަމަށެވެ.

"މި މުހިންމު މަޤާމު އަޅުގަނޑުމެންނާ ޙަވާލުކުރެއްވި ކަމަށްޓަކައި އަޅުގަނޑުމެން ވަރަށް ފަޚުރުވެރިވަމެވެ. ދެކުނު އޭޝިއާގެ ފަތުރުވެރިކަން ތަރައްޤީކޮށް ކުރިއެރުވުމަށް އަޅުގަނޑުމެން ކުރަމުންދާ މަސައްކަތްތައް އިތުރަށް ފުޅާކުރާނަމެވެ،" ޑރ. ނިޔާޒް ވިދާޅުވިއެވެ.

ޔޫއެން ޓޫރިޒަމް ކޮމިޝަންގެ ދެކުނު އޭޝިއާގެ ބައްދަލުވުންތައް ކުރިއަށްދާނީ އަހަރުގެ ބާކީ އޮތް މުއްދަތުގައި ކަމަށް މަޢުލޫމާތު ލިބިފައިވެއެވެ. މި ބައްދަލުވުންތަކުގައި ސަރަޙައްދުގެ ފަތުރުވެރިކަން ކުރިއެރުވުމަށް ކުރެވިދާނެ މަސައްކަތްތަކާ ބެހޭގޮތުން މަޝްވަރާކުރެވޭނެ ކަމަށް ބެލެވެއެވެ.